استانا كونسەرت پەن جاھاندىق ءىس-شارالاردان قالاي تابىس تابادى

شەنەۋنىكتەر مىناداي فاكتىلەردى كەلتىرىپ وتىر. ەرتەڭ، 21-قىركۇيەكتە ەلوردادا جىلدىڭ ەڭ ۇلكەن شوۋلارىنىڭ ءبىرى - اتى اڭىزعا اينالعان Backstreet Boys توبىنىڭ كونسەرتى وتەدى، وعان 45 ەلدەن 12 مىڭنان استام قوناق كەلەدى. كونسەرتتىڭ جالپى كورەرمەنى 30 مىڭنان اسادى.

استانانىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ مالىمەتى بويىنشا، 2025 -جىلدىڭ ءبىرىنشى جارتى جىلدىعىندا عانا استاناعا شامامەن 750 مىڭ تۋريست كەلگەن، بۇل وتكەن جىلمەن سالىستىرعاندا %9 عا ارتقان. ونىڭ 180 مىڭى شەتەلدىك قوناقتار بولدى. كەلۋشىلەر سانى بويىنشا ءبىرىنشى ورىندا رەسەي، قىتاي، تۇركيا، ا ق ش جانە گەرمانيا بولدى.

بيىلدىڭ وزىندە ەلوردادا ونداعان اۋقىمدى شارالار ءوتتى. Comic Con Astana 2025 رەكوردتىق 70000 قاتىسۋشىنى، ونىڭ ىشىندە 36 ەلدەن 10 مىڭ قوناقتى تارتتى. ەكونوميكالىق اسەر 3,5 ميلليارد تەڭگەدەن استى. دجەننيفەر لوپەستىڭ كونتسەرتىنە 30 مىڭنان استام كورەرمەن جينالدى، ولاردىڭ ۇشتەن ءبىرى شەتەلدىكتەر بولدى. بۇرىن حابارلانعانداي، قازاقستاندا الەمگە ايگىلى جۇلدىزداردىڭ كونسەرتتەرىن ۇيىمداستىراتىن كومپانيالار توبى 2025 -جىلدىڭ سوڭىنا دەيىن بيۋدجەتكە 1 ميلليارد تەڭگەدەن استام سالىق تولەيتىن بولدى.

- ەلوردا مادەنيەت، سپورت، مەديتسينا جانە يننوۆاتسيالار توعىساتىن الاڭعا اينالىپ كەلەدى. ءبىز تۋريستەر تاراپىنان دا، حالىقارالىق سەرىكتەستەر تاراپىنان دا قىزىعۋشىلىقتىڭ ارتىپ كەلە جاتقانىن بايقاپ وتىرمىز، - دەپ اتاپ ءوتتى «استانا» ءتۋريزمدى دامىتۋ ورتالىعىنىڭ باسقارما ءتوراعاسى ارتەم كۆاشۋك.

ونىڭ ايتۋىنشا، IFLA دۇنيەجۇزىلىك كىتاپحانا كونگرەسى، استانا حالىقارالىق فورۋمى، حالىقارالىق مەديتسينالىق جانە عىلىمي كونگرەستەردى قوسا العاندا، 200-دەن استام ءىرى ءىس- شارا جوسپارلانعان. ءبىر عانا IFLA استانادا 114 ەلدەن 1600 دەن استام دەلەگاتتىڭ باسىن قوستى.

- 2024 -جىلى ەلوردالىق كلينيكالاردا JCI حالىقارالىق ستاندارتتارىنا سايكەس كەلەتىن 4500 گە جۋىق حالىقارالىق پاتسيەنتكە بىلىكتى كومەك كورسەتىلدى. ونكولوگيا، كارديوحيرۋرگيا، رەپرودۋكتيۆتى مەديتسينا جانە check-up باعدارلامالارى ۇلكەن سۇرانىسقا يە، - دەدى ا. كۆاشۋك.

ءىس-شارا تۋريزمىمەن قاتار مەديتسينالىق تۋريزم دە قارقىندى دامىپ كەلەدى.

- مادەني شارالار مەن حالىقارالىق كونتسەرتتەر استانا ءۇشىن جاي عانا شوۋ ەمەس، ولار قالانىڭ ءتۋريزمى مەن ەكونوميكالىق تارتىمدىلىعىن ارتتىرىپ جاتىر، - دەيدى «استانا ءتۋريزمدى دامىتۋ ورتالىعى» ا ق باسقارما ءتوراعاسى.

الماتى قوناقۇيلەرى تۋريستەردەن 50 ميلليارد تەڭگەدەن استام تابىس تاپقانى بۇعان دەيىن حابارلانعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى