استانا، اتىراۋ، جەزقازعاندا ەكسترەميستىك توپ مۇشەلەرى ۇستالدى
بۇگىن ۇلتتىق قاۋىپسىزدىك كوميتەتى باس پروكۋراتۋرانىڭ ۇيلەستىرۋىمەن سوتقا دەيىنگى تەرگەپ- تەكسەرۋ شەڭبەرىندە استانا، اتىراۋ جانە جەزقازعان قالالارىندا راديكالدى ءدىني توپتاردىڭ ۇياشىقتارى بەيتاراپتاندىرىلدى.
بۇل تۋرالى Kazinform اگەنتتىگى قازاقستان رەسپۋبليكاسى ۇلتتىق قاۋىپسىزدىك كوميتەتىنە سىلەتەمە جاساپ حابارلايدى.
تەرروريزمدى ناسيحاتتاۋ، سونداي- اق ەكسترەميستىك توپتى قۇرۋ، وعان باسشىلىق ەتۋ جانە ونىڭ ارەكەتىنە قاتىسۋ بويىنشا كۇدىكپەن ونىڭ 12 مۇشەسى ءبىر مەزگىلدە ۇستالدى.
تەرگەۋ بولجامى بويىنشا، ولار قازاقستانداعى زايىرلى قۇرىلىمدى قۇلاتۋدى كوزدەگەن. ول ءۇشىن ەكسترەميستىك يدەولوگيانى تاراتقان جانە قاتارلارىنا جاڭا جاقتاستاردى تارتقان.
فيگۋرانتتاردىڭ تۇرعىلىقتى مەكەنجايلارى بويىنشا ءتىنتۋ بارىسىندا تىيىم سالىنعان ادەبيەتتەر مەن باسقا دا دالەلدى زاتتار ايقىندالدى.
توپتىڭ ءبىرقاتار مۇشەسى پوليتسيا قىزمەتكەرىن ءولتىرۋ، بانديتيزم، قاراقشىلىق، توناۋ جانە زورلاۋ سەكىلدى اۋىر قىلمىستار جاساعاندارى ءۇشىن بۇرىن سوتتى بولعاندار.
قىلمىستىق- پروتسەستىك كودەكستىڭ 201-بابى 1-بولىگىنە سايكەس وزگە اقپارات جاريا ەتۋگە جاتپايدى.
