استانا- الماتى جانە وزگە 3 اۆتوجول بيىل تولىق اشىلادى - مينيستر
جىل سوڭىنا دەيىن قۇرىلىس جۇمىستارى ءجۇرىپ جاتقان استانا- الماتى، اتىراۋ- استراحان، اقتوبە- قاندى اعاش جانە تالدىقورعان- وسكەمەن اۆتوجولدارىندا قوزعالىس تولىق اشىلادى. بۇل تۋرالى كولىك ءمينيسترى مارات قارابايەۆتىڭ وڭىرلەرگە ساپارى بارىسىندا بەلگىلى بولدى، دەپ حابارلايدى Kazinform.
ۆەدومستۆو باسپا ءسوز قىزمەتىنىڭ مالىمەتىنشە، وتكەن دەمالىس كۇندەرى مارات قارابايەۆ اقتوبە، اتىراۋ جانە باتىس قازاقستان وبلىستارىندا بولىپ، ماڭىزدى كولىك ينفراقۇرىلىمى نىساندارىن ارالاپ كوردى.
اتاپ ايتقاندا، سەنبى كۇنى كولىك مينيسترلىگىنىڭ باسشىسى اقتوبە وبلىسىنىڭ تۇرعىندارىمەن كەزدەسىپ، ازاماتتاردى جەكە قابىلدادى. سونىمەن بىرگە ءاليا مولداعۇلوۆا اتىنداعى حالىقارالىق اۋەجايدىڭ جانە اقتوبە مەن قاندىاعاش تەمىرجول ۆوكزالدارىنىڭ جۇمىسىمەن تانىسىپ، «اقتوبە- قاندىاعاش» جانە «قاندىاعاش- ماقات» اۆتوجولدارىن جاڭارتۋ جۇمىستارىنىڭ بارىسىن باعامداپ قايتتى.
سونداي- اق مينيستر جولداردى قايتا قۇرۋ جوبالارىندا كوزدەلگەن 22 جاڭا كوپىر مەن جول وتپەلەرىنىڭ قۇرىلىسىن تەكسەرىپ، مەردىگەر ۇيىمدارمەن بىرنەشە جينالىس وتكىزدى.
جەكسەنبىدە ۆەدومستۆو باسشىسى اتىراۋ وبلىسىنىڭ اكىمشىلىك ورتالىعىن كاسپي تەڭىزىنىڭ پورتتارىمەن بايلانىستىراتىن «ورال- كاسپي كانالىندا» بولىپ، اتىراۋ قالاسىنىڭ تەمىر جول بەكەتىنە باردى. سونىمەن قاتار «اتىراۋ- استراحان» اۆتوجولىن جاڭارتۋ جۇمىستارىمەن تانىستى.
دۇيسەنبى كۇنى مينيستر كۇردەلى جوندەۋدەن ءوتىپ جاتقان باتىس قازاقستان وبلىسىنداعى «كازتالوۆكا- جانىبەك- ر ف شەكاراسى» جانە «ونەگە- بيسەن- سايقىن» اۆتوجولدارىن تەكسەردى.
«حالىق تاراپىنان بىرنەشە اۆتوجول جوباسىنا قاتىستى الاڭداۋشىلىق تۋىنداپ وتىر. ولاردىڭ قاتارىندا، تالدىقورعان - وسكەمەن، استانا - الماتى، اقتوبە - قاندىاعاش جانە اتىراۋ - استراحان جولدارى بار. بيىل اتالعان اۆتوجولداردىڭ بويىندا قوزعالىس تولىق اشىلاتىنىن اتاپ وتكىم كەلەدى. كەلەسى جىلى بۇل جوبالار تولىعىمەن اياقتالىپ، حالىق يگىلىگىنە پايدالانۋعا بەرىلەدى»، - دەدى مينيسترلىك باسشىسى ب ا ق وكىلدەرىنە سۇحبات بارىسىندا.
سونداي- اق م. قارابايەۆ وبلىس تۇرعىندارى ءجيى كوتەرەتىن «ورال- كاسپيي كانالىنىڭ» ءتۇبىن تەرەڭدەتۋگە قاتىستى سۇراققا جاۋاپ بەردى.
«ءبىز وبلىس ورتالىعىنان ءوتىپ جاتقان ورال وزەنىنىڭ كاسپيگە قۇياتىن جەرىندە جۇمىس جۇرگىزۋىمىز كەرەك. ءتيىستى بيۋدجەتتىك ءوتىنىمدى پرەمەر- مينيستر قولدادى. سوندىقتان ءبىز تەرەڭدەتۋ قاجەت جەرلەردى كورۋگە كەلدىك. ولاردىڭ جالپى ۇزىندىعى 11 شاقىرىمدى قۇرايدى. بيىل جانە كەلەر جىلى اتالعان باسسەيندى سايكەستەندىرۋ بويىنشا ۇلكەن جۇمىستار باستالادى»، - دەدى مينيستر.
اۆتور
گۇلميرا الياكپاروۆا
