استانا اكىمدىگىنىڭ وكىلى ورىس تىلىندە عانا اقپارات بەرگەنى ءۇشىن ەسكەرتۋ ەستىدى
استانا. KAZINFORM - استانا قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ايجان تۇگەلبايەۆا قوعامدىق كەڭەس وتىرىسىندا ورىس تىلىندە عانا مالىمەت بەرگەنى ءۇشىن ەسكەرتۋ ەستىدى.
2025 -جىلعى قالا بيۋدجەتىن ناقتىلاۋ جوباسىن تانىستىرعان اكىمدىك وكىلى بايانداماسىن ورىس تىلىندە تانىستىرعان. قوعامدىق كەڭەس مۇشەلەرى جازباشا ۇسىنىلعان مالىمەتتىڭ ءبارى دە تەك ورىس تىلىندە ەكەنىن ايتىپ، شەنەۋنىكتى ءتىل ساياساتىن قۇرمەتتەۋگە شاقىردى.
- ءۇشىنشى سايلانعان قوعامدىق كەڭەستە كەلىسكەن بولاتىنبىز. بايانداماڭىزدى قاي تىلدە سويلەسەڭىز دە وزىڭىز بىلەسىز. ورىسشا سويلەسەڭىز، قازاقشا جازباشا ءماتىن بولسىن. ال قازاقشا سويلەسەڭىز، ورىسشا ءماتىن بولسىن دەپ كەلىسىپ ەدىك. ەندى ءوزىڭىز كەلىپ ورىسشا سويلەدىڭىز، سلايدتىڭ ءبارىن ورىسشا كورسەتتىڭىز. قازاق ءتىلى، مەملەكەتتىك ءتىل قايدا؟ الەۋمەتتىك مۇددەلەردى قورعاۋ كوميسسياسىنىڭ ءتوراعاسى رەتىندە وسىنداي تالابىم بار. بۇل وسىندا باسقارمالاردىڭ بارىنە قاتىستى. ورىسشا سويلەسەڭىز دە قارسى ەمەسپىز. ءبىراق جازباشا مالىمەت قازاقشا بولۋ كەرەك. ءتىل ساياساتىن قۇرمەتتەۋلەرىڭىزدى وتىنەمىن، - دەدى قوعامدىق كەڭەس مۇشەسى كارىمبەك قۇرماناليەۆ.
بۇل سىندى جيىننىڭ مودەراتورى دا قولدادى. ال ايجان تۇگەلبايەۆا «سىنىڭىز قابىلداندى» دەپ قىسقا جاۋاپ قايىردى.
سونداي-اق، اتالعان جيىندا استانا اكىمدىگى تاعى دا سكۆەرگە قاجەتتى جەر ساتىپ الۋعا بيۋدجەتتەن اقشا سۇراپ وتىرعانى ءمالىم بولدى.
اۆتور
ەسىمجان ناقتىباي
