اسكەري-تەڭىز كۇشتەرىنىڭ ەكى تىكۇشاعى سوقتىعىسىپ، 10 ادام قازا تاپتى
استانا. KAZINFORM - مالايزيا اسكەري-تەڭىز كۇشتەرىنىڭ ەكى تىكۇشاعى اسكەري پارادقا دايىندىق كەزىندە سوقتىعىسىپ، بورتتاعى بارلىق 10 ەكيپاج مۇشەسى قازا تاپتى، دەپ حابارلادى BBC.
جەرگىلىكتى ب ا ق جاريالاعان كادرلاردان جەرگە قۇلاماس تىكۇشاقتاردىڭ قالاي سوقتىعىسقانىن كورۋگە بولادى.
وقيعا جەرگىلىكتى ۋاقىت بويىنشا ساعات 09:30 دا مالايزيا كورولدىك اسكەري-تەڭىز كۇشتەرىنىڭ بازاسى ورنالاسقان لۋمۋت قالاسىندا بولعان.
ءتىرى قالعاندار تابىلمادى.
«زارداپ شەككەندەردىڭ بارلىعى وقيعا ورنىندا قازا تاپتى، دەپ جاريالاندى، كەيبىرىن انىقتاۋ ءۇشىن اسكەري گوسپيتالعا جىبەرىلدى»، - دەلىنگەن مالايزيا كورولدىك اسكەري-تەڭىز كۇشتەرىنىڭ مالىمدەمەسىندە.
وقيعانىڭ سەبەپتەرىن انىقتاۋ ءۇشىن كوميسسيا قۇرىلدى.
تىكۇشاقتاردىڭ ءبىرى، بورتىندا جەتى جولاۋشىسى بار HOME 503-3 تاعى ءۇش جولاۋشىسى بار Fennec M502-6 تىكۇشاعىنا سوعىلدى دەگەن بولجام بار.
ناۋرىز ايىندا مالايزياداعى انگسا ارالىندا وقۋ-جاتتىعۋ كەزىندە مالايزيا جاعالاۋ كۇزەتىنىڭ تىكۇشاعى تەڭىزگە قۇلاعان. ول جولى ەكى ۇشقىش پەن بورتتاعى ەكى جولاۋشىنى بالىقشىلار تاۋىپ الىپ، قۇتقارىپ العان ەدى.
