اسكەردە جۇرگەن ساربازدىڭ نەسيەسىن توقتاتۋ ءۇشىن اتا-انا نە ىستەۋ كەرەك - مينيسترلىك جاۋابى
استانا. KAZINFORM - اسكەردە جۇرگەن ساربازدىڭ نەسيەسىن توقتاتۋ ءۇشىن اتا-انا نە ىستەۋ كەرەك؟ ق ر قارۋلى كۇشتەرى باس شتابى ۇيىمداستىرۋ جانە جۇمىلدىرۋ جۇمىستارى دەپارتامەنتى اسكەرگە شاقىرۋ جانە اسكەردەن تىس جۇمىستار باسقارماسىنىڭ اعا وفيتسەرى داۋرەنبەك شەگەبايەۆ الەۋمەتتىك جەلىدەگى تىكەلەي ەفيردە وسىنداي سۇراققا جاۋاپ بەردى.
- اسكەرگە شاقىرتىلعان ازاماتتاردىڭ نەسيەسى اۆتوماتتى تۇردە توقتاتىلادى. مىسالى، اسكەري قىزمەتشى جەرگىلىكتى اسكەري باسقارۋ ورگانى باسشىسىنىڭ بۇيرىعى شىققاننان كەيىن ءبىرىنشى نەسيەلىك بيۋروعا اقپارات تۇسەدى. سول ساتتەن باستاپ نەسيە تولەمىن ەسەپتەۋ توقتاتىلادى. اتا-انالار جاعىنان ەشقانداي ارەكەت تالاپ ەتىلمەيدى. ءبارى اۆتوماتتى تۇردە توقتاتىلادى. ياعني، اتا-انانىڭ ءدال وسى ماسەلە ءۇشىن اسكەري كوميسسارياتقا بارۋىنىڭ قاجەتى جوق. ءبىرىنشى نەسيەلىك بيۋروعا اقپارات تۇسكەننەن كەيىن ەكىنشى دەڭگەيلى بانكتەرگە مالىمەت بىردەن جولدانادى، - دەدى اعا وفيتسەر.
سونداي-اق، كەزەكتى اسكەرگە شاقىرۋ ماۋسىمى بيىل كۇزدە باستالاتىنىن ەسكە سالدى.
- 13- اقپاندا ق ر پرەزيدەنتىنىڭ جارلىعى شىقتى. اتالعان قۇجات بويىنشا مەرزىمدى اسكەري قىزمەتىن اتقارعان ازاماتتار ناۋرىز-ماۋسىم ارالىعىندا اسكەر قاتارىنان بوساتىلىپ، قىركۇيەك-جەلتوقسان ارالىعىندا جاڭا لەك شاقىرتىلادى، - دەدى داۋرەنبەك شەگەبايەۆ.
ەسكە سالساق، مەملەكەت باسشىسى قاسىم-جومارت توقايەۆ جۋىقتا عانا اسكەري قىزمەتكە شاقىرۋ تۋرالى جارلىققا قول قويعان ەدى.
اۆتور
ەسىمجان ناقتىباي
