اسكەرگە كوشەدەن ەرىكسىز جەكە كولىكپەن الىپ كەتۋ زاڭسىز - قورعانىس مينيسترلىگى

- اسكەرگە شاقىرۋ الگوريتمى بار، ول جەرگىلىكتى اسكەري باسقارۋ، اتقارۋشى ورگاندار جانە پوليتسيا قىزمەتىنىڭ قاۋلىسىمەن بەكىتىلگەن. سىزدەر جەلىدە تاراعان ۆيدەولاردان ءبىر بولىگىن عانا كورەتىن شىعارسىزدار، ال نەگىزىندە قىزمەتتىك كۋالىگىن كورسەتىپ، كونبەگەن جاعدايدا عانا قولدانىلاتىن شارا. ىشكى ىستەر مينيسترلىگىنىڭ وكىلى كولىكپەن الىپ كەتۋگە مىندەتتى. بۇل جەردە قورعانىس مينيسترلىگىنىڭ قىزمەتكەرلەرى پوليتسەيلەرگە كومەكشى، - دەدى شايح-حاسان جازىقبايەۆ ءماجىلىس قابىرعاسىندا ب ا ق وكىلدەرىنىڭ ساۋالىنا جاۋاپ بەرە تۇرىپ.

سونداي-اق ب ا ق وكىلدەرى ءمينيستردىڭ ورىنباسارىنان اسكەرگە شاقىرىلعانداردى كوشەدەن جەكە كولىكپەن الىپ كەتۋدىڭ زاڭدىلىعىن سۇرادى.

- بولعان ەكى جاعداي بويىنشا قىزمەتتىك تەكسەرۋ ءوتتى، زاڭ بويىنشا شارا قابىلداندى. بەينەروليكتەگى جەكە كولىك مۇمكىن قورعانىس مينيسترلىگىنە تيەسىلى شىعار. قورعانىس مينيسترلىگى مەن ىشكى ىستەر مينيسترلىگىنە تيەسىلى كولىكتەرمەن تاسىمالدايدى، جەكە كولىكپەن تاسىمالداسا زاڭسىز، - دەپ تولىقتىردى ش. جازىقبايەۆ.

سونداي-اق، بريفينگ بارىسىندا قورعانىس ءمينيسترىنىڭ ورىنباسارىنان قازاقستان اسكەرى قاشان تولىق قازاقشالاناتىنى سۇرالدى.

ەسكە سالا كەتسەك، بىلتىر قورعانىس مينيسترلىگى پوليتسيانىڭ اسكەرگە شاقىرىلعانداردى ماجبۇرلەپ جەتكىزۋگە قۇقىلى ەكەنىن حابارلاعان ەدى.

ودان بولەك، مينيسترلىك اسكەرگە كوشەدەن ەرىكسىز الىپ كەتسە، سوتقا بەرۋگە بولا ما دەگەن ساۋالعا جاۋاپ بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى