اسكەر جاسىنداعى 50 مىڭ قازاقستاندىق شەتەلدە ءجۇر- قورعانىس مينيسترلىگى
استانا. KAZINFORM - قارۋلى كۇشتەرى باس شتابى ۇيىمداستىرۋ- جۇمىلدىرۋ جۇمىسى دەپارتامەنتى باستىعىنىڭ ورىنباسارى فارحات ايداربايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا اۋىلدا مۇعالىم بولىپ جۇرگەن اسكەر جاسىنداعى ازاماتتار ارمياعا شاقىرۋدان بوساتىلاتىنىن ايتتى.
- اسكەرگە شاقىرىلاتىن ازامات وقۋدا بولسا نەمەسە اۋىلدا مۇعالىم بولسا، جوعارى بىلىمنەن كەيىن ءبىلىم العىسى كەلسە، ونداي ازاماتتار اسكەردەن بوساتىلادى. حالىققا ايتارىم، ءوزىنىڭ اسكەري بورىشى تۋرالى الدىن الا مالىمەت العىسى كەلگەندەر تۇرعىلىقتى جەردەگى اسكەري باسقارۋ ورگانىنا كەلىپ نەمەسە GOV- تەگى جەكە كابينەت ارقىلى اسكەري مارتەبەسىن بىلە الادى، - دەدى قارۋلى كۇشتەرى باس شتابىنىڭ وكىلى.
ونىڭ سوزىنشە اسكەرگە شاقىرۋ پروتسەسىن سيفرلاندىرۋ كولەڭكەدەگى ازاماتتاردى جارىققا شىعارعان.
- اسكەرگە شاقىرۋ پروتسەسىن سيفرلاندىرۋ بىزگە نە بەردى؟ قازاقستاندىقتار ج س ن العاننان كەيىن شەتەلگە كەتسە دە، سيفرلىق جۇيەدە ءىزىن كورىپ وتىرامىز. 2023 -جىلى اسكەرگە شاقىرۋعا جاتاتىن 120 ازامات بولسا، سيفرلاندىرۋ جۇرگىزىلگەننەن كەيىن قوسىمشا 50 مىڭ جاس قوسىلدى. سەبەبى 50 مىڭعا جۋىق ازاماتىمىز شەتەل اسىپ، باسقا جاقتا ءجۇر، - دەدى فارحات ايداربايەۆ.
سونداي-اق، ول اسكەردەن جالتارعاندار 1 جىل سوتتالۋى مۇمكىن ەكەنىن ەسكەرتتى.
