اسكەرگە شاقىرىلعان سارباز بورىشىن وتەيتىن اسكەري ءبولىمدى ءوزى تاڭداي الا ما

- اسكەرگە شاقىرتۋ العان سارباز بورىشىن وتەيتىن اسكەري ءبولىمدى ءوزى تاڭداي الا ما؟ مىسالى، ول ءوزى تۋعان ولكەدەگى ءبولىمدى بورىشىن وتەگىسى كەلسە، رۇقسات ەتىلە مە، - دەگەن سۇراق قويىلدى ەفير بارىسىندا.

قارۋلى كۇشتەردىڭ باس شتاب وكىلى زاڭدا ونداي جەڭىلدىك قاراستىرىلماعانىن ايتتى.

- البەتتە، زاڭنامادا ونداي مۇمكىندىك قاراستىرىلماعان. ءبىرىنشى اسكەري كوميسسيا ءار ساربازدى ىرىكتەپ، زەردەلەيدى. سول كەزدە ونىڭ العان ءبىلىم ساناتىنا، دەنساۋلىق جاعدايىنا، جەكە باسىنىڭ قاسيەتتەرىنە قاراپ كوميسسيا ماماندارى جان- جاققا بولەدى. ياعني، اسكەري ءبولىمدى ساربازدىڭ ءوزى تاڭداۋ دەگەن ماسەلە قاراستىرىلماعان. ءبىراق مەنىڭ بىلۋىمشە، كەيدە كوماندالاردىڭ اسكەري بولىمدەرى جەكەلەگەن شەشىمدەر قابىلداپ جاتادى. ونداي سيرەك بولادى، - دەدى ول.

دەگەنمەن قورعانىس مينيسترلىگى بۇل باعىتتا ءبىرقاتار وزگەرىستەردى سىناقتان وتكىزىپ جاتقان كورىنەدى.

- جوعارعى باسشىلىقتىڭ قويعان تالابى بويىنشا سوڭعى شاقىرىلىمداردا اسكەري بورىشتى ايماقتىق پرينتسيپ بويىنشا اتقارۋ دۇرىس دەپ ەسەپتەلەدى. ونداي بەتبۇرىس بار. قازىر جەرگىلىكتى اسكەري باسقارۋ ورگاندارى وسى پرينتسيپكە بىرتىندەپ كوشىپ كەلەدى، - دەدى قارۋلى كۇشتەردىڭ اعا وفيتسەرى.

ەسكە سالساق، مەملەكەت باسشىسى قاسىم-جومارت توقايەۆ جۋىقتا عانا اسكەري قىزمەتكە شاقىرۋ تۋرالى جارلىققا قول قويعان ەدى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى