Ashyq جوباسى: كەلۋشىلەر «سارى/قىزىل» مارتەبەسى بويىنشا قالاي ىرىكتەلەدى

بۇل تۋرالى ق ر د س م باس مەملەكەتتىك سانيتار دارىگەرى ەرلان قياسوۆتىڭ كاسىپكەرلىك وبەكتىلەرىندە «Ashyq» موبيلدىك قوسىمشاسىن ەنگىزۋ تۋرالى جاڭا قاۋلىسىمەن بىرگە جاريالانعان 2-قوسىمشادا ناقتى كورسەتىلگەن. ول بويىنشا: «Ashyq» جوباسىنا ەنگىزىلگەن وبەكتىلەردە كاسىپكەرلىك سۋبەكتىسى كەلۋشىلەردىڭ مارتەبەسىن QR كود نەمەسە ج س ن بويىنشا تەكسەرەدى. كاسىپكەر نىسان اكىمشىسى «سارى/قىزىل» مارتەبەسى بار وقشاۋلانۋعا جاتاتىن كەلۋشىنى انىقتاعان كەزدە «سارى/قىزىل» مارتەبەسى بار سكرينشوت ۇسىنا وتىرىپ، ءموبيلدى بايلانىس، ەلەكتروندى پوشتا ارقىلى سانيتاريالىق- ەپيدەميولوگيالىق باقىلاۋ كوميتەتىنىڭ اۋماقتىق دەپارتامەنتتەرىنە فاكتى تۋرالى حابارلايدى.

«جاسىل» مارتەبە - كەلۋشى دەرەكتەر بازاسىندا COVID-19-عا تەرىس ناتيجەمەن پ ت ر تەستىلەۋدەن وتكەن رەتىندە بەلگىلەنگەن؛

«كوك» مارتەبە – پ ت ر تەستىلەۋ ناتيجەسى جوق، COVID-19-بەن اۋىراتىن ناۋقاسپەن بايلانىستا بولعان ادام رەتىندە سانالمايدى؛

«سارى» مارتەبە - دەرەكتەر بازاسىندا COVID-19-بەن اۋىراتىن ناۋقاسپەن بايلانىستا بولعان ادام رەتىندە كورسەتىلگەن؛

« قىزىل» مارتەبە - بازادا COVID-19-عا پ ت ر- تەستىلەۋدىڭ وڭ ناتيجەسىمەن تىركەلگەن، «اۋرۋ جۇقتىرعان» - U 07.2 كودى مارتەبەسى بار پاتسيەنتتەر.

كەلۋشىدە سمارتفون بولماعان جاعدايدا كاسىپكەرلىك وبەكتىسىنىڭ قىزمەتكەرى كەلۋشىنىڭ كەلىسىمىمەن ونىڭ مارتەبەسىن ج س ن بويىنشا اقپاراتتىق جۇيەدە تەكسەرەدى.

جوباعا قاتىساتىن كاسىپكەرلىك وبەكتىلەرىنە «سارى/قىزىل» مارتەبەسى بار كەلۋشىلەر جىبەرىلمەيدى. اينالاسىنداعىلار ءۇشىن قاۋىپتى بولىپ تابىلاتىن اۋرۋدى جاسىرعان جاعدايدا، «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ 2014 -جىلعى 5 -شىلدەدەگى كودەكسىنە سايكەس اكىمشىلىك جاۋاپكەرشىلىك كوزدەلگەن.

وسى تارماقتىڭ كۇشى «سارى» مارتەبەسى بار ادامدارعا قولدانىلمايدى. نىسانعا بارۋ فاكتىسى قايتا انىقتالعان جاعدايدا جەكە تۇلعاعا قاتىستى اكىمشىلىك سيپاتتاعى شارالار قولدانىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى