اسا قاۋىپتى. قانداي ادامدارعا مونشاعا بارۋعا بولمايدى؟
استانا. قازاقپارات - گينەكولوگ دەنيس بانني مونشانىڭ دەنەگە پايدالى اسەر ەتەتىنىن ايتتى. دەسە دە، كەيبىر ادامدار ىستىق بۋى بار پروتسەدۋرالارعا ساقتىقپەن قاراۋ كەرەك. بۇل تۋرالى ساراپشى «يزۆەستيا» سايتىندا ايتتى، - دەپ حابارلايدى lenta.ru سايتى.
دارىگەر بەنني قاتتى ىستىق مونشا سوزىلمالى اۋرۋلارى بار ادامدارعا قاۋىپتى ەكەنىن ەسكەرتتى. سونداي-اق گيپەرتونيا، حولەليتيا نەمەسە ۋروليتيا بار بولسا، ىستىق بۋعا كىرۋدەن باس تارتۋ كەرەك. ويتكەنى ىستىق دەنساۋلىقتى ودان سايىن ناشارلاتۋى مۇمكىن.
دارىگەر سونداي-اق قاتەرلى ىسىكپەن اۋىراتىن ناۋقاستار ءۇشىن مونشانىڭ جانە سوعان ۇقساس كەز كەلگەن باسقا تەرميالىق پروتسەدۋرالاردىڭ قاۋىپتى ەكەنىن ايتتى.
ۆاريكوزدى تامىرلارى بار ادامدار مونشاعا ساقتىقپەن بارۋى كەرەك: جىلۋ قان اعىمىن ارتتىرادى، بۇل اۋرۋدىڭ ءورشۋىن تۋدىرادى. سونىمەن قاتار جۇكتىلىك، جۇرەك جەتكىلىكسىزدىگى، جۇقپالى اۋرۋلار جانە ەپيلەپسيا دا(تالما اۋرۋى - رەد.) مونشاعا بارۋعا قارسى كورسەتكىشتەر بولىپ سانالادى.
ىڭعايلىلىق پەن قاۋىپسىزدىك ءۇشىن بەنني بۋ بولمەسىنە تولىق نەمەسە اش قارىنعا نەمەسە الكوگولدى ىشكەننەن كەيىن بارماۋعا كەڭەس بەردى. ساۋناعا بارعان كەزدە دەگيدراتاتسيانى بولدىرماۋ ءۇشىن كوبىرەك سۇيىقتىق ءىشىپ تۇرۋ كەرەك ەكەنىن ايتتى.
