ارىستانبەك مۇحامەدي ۇلىنىڭ اشتىق جاريالاعانى راس پا

11 جىلعا سوتتالعان ەكس-شەنەۋنىككە قاتىستى ءىستىڭ ءمان-جايىن قىلمىستىق-اتقارۋ جۇيەسى كوميتەتىنەن سۇراعان ەدىك.

- سوتتالۋشىنىڭ اشتىق جاريالاۋى تۋرالى اقپارات شىندىققا جاناسپايدى. ول تاماق ىشەدى، بۇل جاعداي بەينەباقىلاۋ كامەرالارىنىڭ جازباسىمەن راستالادى. سوتتالۋشىدان ارىز-شاعىم تۇسكەن جوق. سونىمەن قاتار بەلگىلەنگەن ءتارتىپ بويىنشا سوتتالعان ادامعا ۇيالى تەلەفون بەرىلمەيدى، - دەلىنگەن اقمولا وبلىستىق قىلمىستىق-اتقارۋ جۇيەسى دەپارتامەنتىنىڭ حابارلاماسىندا.

سونداي-اق رەسمي اقپاراتتا ارىستانبەك مۇحامەدي ۇلىنىڭ اتىنان الەۋمەتتىك جەلىدە جالعان جازبا جاريالاۋ فاكتىسى بويىنشا تەكسەرۋ جۇرگىزىلەتىنى ايتىلعان.

- جالعان اقپارات تاراتقانى ءۇشىن جاۋاپكەرشىلىك قاراستىرىلعان، - دەپ ەسكەرتىلدى مەكەمەدەن.

ەسكە سالا كەتسەك، بۇرىنعى مادەنيەت جانە سپورت ءمينيسترى، ۇلتتىق مۋزەي ديرەكتورى ارىستانبەك مۇحامەدي ۇلى 2022 -جىلى مامىردا قاماۋعا الىندى.

انتيكور مۋزەي باسشىسىنا «التىن ادامنىڭ الەم مۋزەيلەرىنە شەرۋى» حالىقارالىق كورمەسىن وتكىزۋ بارىسىندا قارجى جىمقىردى دەگەن ايىپ تاقتى.

بىلتىر اقپاندا ارىستانبەك مۇحامەدي ۇلى 11 جىلعا باس بوستاندىعىنان ايىرىلدى.

دەگەنمەن ارىستانبەك مۇحامەدي ۇلى سوتتا كىناسىن مويىندامادى.

وتكەن جىلى تامىزدا اپەللياتسيالىق سوت ارىستانبەك مۇحامەدي ۇلىنا قاتىستى ۇكىمدى قايتا قارادى.

ايتا كەتسەك، ارىستانبەك مۇحامەدي ۇلىنا تيەسىلى سپورت مەكتەبى مەملەكەتكە قايتارىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى