ارىستانبەك مۇحامەدي ۇلىنا قاتىستى ءۇشىنشى قىلمىستىق ءىس سوتقا جەتتى

«التىن ادام» توڭىرەگىندەگى داۋ

ارىستانبەك مۇحامەدي ۇلى 2023-جىلدىڭ 20- ماۋسىمىندا 8 جىلعا باس بوستاندىعىنان ايىرىلدى.

مۇحامەدي ۇلىنىڭ ورىنباسارى الماز نۇراسحان 7 جىلعا باس بوستاندىعىنان ايىرىلدى.

Exponat ج ش س ديرەكتورى ازامات كوشەنوۆ 189-باپتىڭ 4-بولىگى 2-تارماعىندا جانە 28-باپتىڭ 5-بولىگىندە كورسەتىلگەن قىلمىستى جاساعانى ءۇشىن كىنالى دەپ تانىلىپ، 7 جىلعا سوتتالدى.

Exponat ج ش س باس بۋحگالتەرى ايىم سادۋاقاسوۆا 189-باپتىڭ 4-بولىگى 2-تارماعىندا جانە 28-باپتىڭ 5-بولىگىندە كورسەتىلگەن قىلمىستى جاساعانى ءۇشىن كىنالى دەپ تانىلدى. ول 7 جىلعا باس بوستاندىعىنان ايىرىلدى.

«ديپلومات» قوناقءۇيىن تارتىپ الۋ ءىسى

2023-جىلدىڭ قىركۇيەگىندە ارىستانبەك مۇحامەدي ۇلى ەلورداداعى «ديپلومات» قوناق ءۇيىن رەيدەرلىك جولمەن الدى دەگەن كۇدىكپەن قىلمىستىق ءىس بويىنشا سوت پروتسەسى باستالدى.

ارىستانبەك مۇحامەدي ۇلى قىلمىستىق كودەكستىڭ 24-بابى 3-بولىگى - 249-بابى 1-بولىگى (رەيدەرلىك ارەكەتكە وقتالۋ)، 28-بابى 3-بولىگى - 250-بابى 1-بولىگى (وكىلەتىن تەرىس پايدالانۋ ارقىلى قىلمىستىق قۇقىق بۇزۋشىلىقتى ۇيىمداستىرۋ) بويىنشا ايىپتالىپ وتىر. قىلمىستىق ءىس بويىنشا تاعى ءبىر ايىپتالۋشى بار. گۇلزات جۋاسپايەۆا قىلمىستىق كودەكستىڭ 385-بابى 3-بولىگى (جالعان قۇجات، ءمور، بلانكىنى قولدان جاساۋ ارقىلى كورىنەۋ جالعان قۇجاتتى پايدالانۋ)، 250-بابى 1-بولىگى (وكىلەتىن تەرىس پايدالانۋ) بويىنشا ايىپتالىپ وتىر.

تەرگەۋ مالىمەتىنە سايكەس، 2019-جىلى ارىستانبەك مۇحامەدي ۇلىنا ەلورداداعى «ديپلومات» قوناق ءۇيىنىڭ يەسى، كاسىپكەر ك. جۇگىنگەن. ەكس-مينيستر وعان 2,5 ميلليارد تەڭگە بەرۋگە كەلىسىپ، ونىڭ ورنىنا قوناق ءۇيدىڭ جارعىلىق كاپيتالىنىڭ %71 ەنەسىنىڭ اتىنا جازىپ بەرۋدى ۇسىنعان. وسىلايشا ول قوناق ءۇيدى تولىق يەمدەنىپ الماق بولعان.

ەكى ءىستى بىرىكتىردى

11- جەلتوقساندا استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ سۋدياسى ءابينۇر قارابايەۆتىڭ قاۋلىسىمەن ەكى ءىس بىرىكتىرىلدى.

ۇلتتىق مۋزەيگە قاتىستى ىستە ارىستانبەك مۇحامەدي ۇلىنا قىلمىستىق كودەكستىڭ 28-بابى 3-بولىگى - 189-بابى 4-بولىگى 2-تارماعى («سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان-تاراجعا سالۋ ارەكەتىن جاساۋدى ۇيىمداستىرۋ نەمەسە ونىڭ ورىندالۋىنا باسشىلىق ەتۋ»)، 28-بابى 3-بولىگى - 189-بابى 4-بولىگى 2-تارماعى، 28-بابى 3-بولىگى - 189-بابى 4-بولىگى 2-تارماعى، 361-بابى 4-بولىگى 3-تارماعى («لاۋازىمدىق وكىلەتتىكتەردى تەرىس پايدالانۋ») بويىنشا ايىپ تاعىلعان.

الماس نۇرازحانعا قىلمىستىق كودەكستىڭ 28-بابى 2-بولىگى - 189-بابى 4-بولىگى 2-تارماعى؛

اباي ساتىبالدينگە 28-بابى 2-بولىگى - 189-بابى 4-بولىگى 2-تارماعى، 190-بابى 3-بولىگى 1-تارماعى؛

لەونيد كوچەتوۆقا قىلمىستىق كودەكستىڭ 28-بابى 2-بولىگى - 189-بابى 4-بولىگى 2-تارماعى؛

ازامات كوشەنوكە قىلمىستىق كودەكستىڭ 28-بابى 5-بولىگى - 189-بابى 4-بولىگى 2-تارماعى؛

ايىم سادۆاكاسوۆاعا قىلمىستىق كودەكستىڭ 28-بابى 5-بولىگى - 189-بابى 4-بولىگى 2-تارماعى بويىنشا ايىپ تاعىلعان.

الدىن الا سوت تىڭداۋى وتكەن جاڭا ءىس بويىنشا 2017، 2018 جانە 2019-جىلدارداعى «التىن ادامنىڭ الەم مۋزەيلەرىنە شەرۋى» كورمەسىنە قاتىستى ەپيزودتا جىمقىرۋ ارەكەتى بويىشا ايىپ تاعىلعان. جالپى سوما - 1,5 ميلليارد تەڭگە، - دەدى سوتتالۋشى كوچەتوۆتىڭ ادۆوكاتى ايگۇل ىسماعۇلوۆا.

ءىستى سۋديا ءابينۇر قارابايەۆ قاراپ جاتىر. مەملەكەتتىك ايىپتاۋشى - ولجاس حايرۋللايەۆ.

سوت وتىرىسى بارىسىندا سوتتالۋشىلار مەن ولاردىڭ ادۆوكاتتارى ايىپتاۋ اكتىسىمەن تانىسۋ ءۇشىن ۋاقىت سۇرادى.

ولار ايىپتاۋ اكتىسىن 19- جەلتوقساندا العانىن، قىلمىستىق-پروتسەستىك كودەكستىڭ 355-بابىن العا تارتتى. بۇل باپتا سوت پروتسەسىنىڭ ايىپتاۋ حاتتاماسىنىڭ كوشىرمەلەرى تابىس ەتىلگەن كۇننەن باستاپ ءۇش تاۋلىكتەن ەرتە باستالمايتىنى كورسەتىلگەن.

وسىلايشا سوت وتىرىسى ايىپتاۋ اكتىسىمەن تانىسۋ ۋاقىتىندا كەيىنگە قالدىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى