ارىستاعى قارۋ-جاراق قويماسى قاشان، قايدا كوشىرىلەتىنى بەلگىلى بولدى

ءماجىلىستىڭ جالپى وتىرىسىنان كەيىن ب ا ق وكىلدەرى قورعانىس ءمينيسترىنىڭ ورىنباسارىنا «ارىس قالاسىنداعى قارۋ-جاراق قويماسىن كوشىرۋ قاشان تولىق اياقتالادى؟ اقتوبە، قاراعاندى وبلىسىندا قارۋ-جاراق قويماسىن سالۋ جوسپارى تۋرالى ايتىلدى، قالاي ءجۇرىپ جاتىر؟ دەگەن ساۋال قويىلدى.

- جىل سايىن ارىستاعى جارىلىس سالدارىن زالالسىزداندىرۋ جۇمىستارى جۇرگىزىلىپ جاتىر. بۇگىندە ەڭ قاۋىپتى دەگەن جارىلىس زارداپتارى جويىلدى. 2026-جىلدىڭ سوڭىندا اقتوبە ماڭىنا كوشىرۋ جوسپاردا بار. قازىر ارىس قالاسىنىڭ تۇرعىندارى ەشقانداي جارىلىسسىز، تىنىش ءومىر ءسۇرىپ جاتىر، قاۋىپ جوق، - دەپ قىسقا قايىردى شايح-حاسان جازىقبايەۆ.

مينيستر ورىنباسارىنىڭ ايتۋىنشا، بارلىعى قاراجاتتىڭ بولىنۋىنە بايلانىستى.

ەسكە سالا كەتسەك، 2019-جىلى 24-ماۋسىمدا تۇركىستان وبلىسىنىڭ ارىس قالاسىنداعى اسكەري ءبولىم قويماسىندا جارىلىس بولدى. سالدارىنان ءۇش ادام قازا تاپتى - ارىس تۇرعىنى مەن ەكى اسكەري قىزمەتشى. ودان بولەك 170 كە جۋىق ادام زارداپ شەكتى. 20 عا جۋىق ءۇي، 9 قورا-قوپسى جانىپ، دالالى اۋماقتا 14 وشاق تۇتاندى. ءۇي-جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى