پاريجدە 500 كوشەنى جاياۋ جۇرگىنشىلەر ايماعىنا اينالدىرۋ بويىنشا رەفەرەندۋم وتەدى
استانا. KAZINFORM - بۇل داۋىس بەرۋ سوڭعى بىرنەشە جىلداعى پاريجدەگى ءۇشىنشى وسىنداي رەفەرەندۋم بولماق، دەپ حابارلايدى DW.
DW حابارلاۋىنشا، بۇل داۋىس بەرۋ قالا اكىمدىگىنىڭ اۆتوكولىك قوزعالىسىن شەكتەۋ جانە اۋا ساپاسىن جاقسارتۋ باستاماسى اياسىندا ءوتىپ جاتىر. پاريجدەگى رەفەرەندۋمعا العاش رەت 16 جانە 17 جاستاعى جاستار قاتىسا الادى، بۇعان دەيىن تەك 18 جاستان اسقاندارعا عانا رۇقسات بەرىلەتىن.
Reuters اگەنتتىگىنىڭ مالىمەتىنشە، ەگەر رەفەرەندۋمدا وڭ شەشىم قابىلدانسا، قالادا شامامەن 10000 تۇراق ورنى قىسقارتىلادى. ءدال وسىنداي مولشەردەگى تۇراق ورىندارى 2020 -جىلى جويىلعان بولاتىن. قاي كوشەلەردىڭ جاياۋ جۇرگىنشىلەرگە ارنالاتىنى ازىرگە ناقتىلانعان جوق.
