پاريج وليمپياداسىنا قاتىساتىن بوسقىندار قۇراماسى جاريالاندى
استانا. قازاقپارات - 11 ەلدىڭ 36 سپورتشىسى وليمپيادانىڭ بوسقىندار كومانداسىنىڭ مۇشەسى اتاندى. بۇل تۋرالى ب ۇ ۇ جاڭالىقتار قىزمەتى ءمالىم ەتتى.
ولار ءتورتجىلدىقتىڭ باستى دوداسىندا سپورتتىڭ 12 تۇرىنەن سىنعا تۇسەدى. بۇل تۋرالى ب ۇ ۇ- نىڭ بوسقىندار ءىسى جونىندەگى جوعارعى كوميسسار باسقارماسى حالىقارالىق وليمپيادا كوميتەتىنە (ح و ك) سىلتەمە جاساپ حابارلادى.
بوسقىندار كومانداسى وليمپيادا ويىندارىنا ءۇشىنشى رەت قاتىسپاق. ب ۇ ۇ ب ج ك ب مالىمەتى بويىنشا، 2023 -جىلدىڭ قىركۇيەگىندەگى جاعداي بويىنشا الەمدە ۇيلەرىن تاستاپ كەتۋگە ءماجبۇر بولعان شامامەن 114 ميلليون ادام بولعان. بوسقىندار كومانداسى العاش رەت ءوز لوگوتيپىمەن جارىس جولىنا شىعادى.
كوماندا قۇرامىن ح و ك اتقارۋشى كوميتەتى (ە ك) ءبىرقاتار كريتەري نەگىزىندە بەكىتتى. ونىڭ ىشىندە، ەڭ الدىمەن، ءاربىر سپورتشىنىڭ كورسەتكىشى جانە ونىڭ ب ۇ ۇ ب ج ك ب راستاعان بوسقىن مارتەبەسى بولۋى شارت.
«بارشاڭىزدى قۇشاق جايا قارسى الامىز. سىزدەر وليمپيادالىق قاۋىمداستىق پەن قوعامىمىزدى جانداندىرا تۇسەسىزدەر»، - دەدى ح و ك پرەزيدەنتى توماس باح كوماندا مۇشەلەرىنە ارنالعان سوزىندە.
برەيك- دانس جارىسىندا بوسقىندار كومانداسىنىڭ نامىسىن اۋعان ەلىنىڭ تۋماسى مانيجا تالاش قورعايدى. ب ا ق وكىلدەرىنىڭ حابارلاۋىنشا، 2021 -جىلى اۋعانستاندا ايەلدەرگە قاتىستى قاتاڭ شەكتەۋلەر ەنگىزىلگەنگە دەيىن تالاش وليمپيادا ويىندارىنا قاتىسۋدى ارمانداعان ەكەن. ول ەندى بوسقىن رەتىندە جاڭا وليمپيادالىق سپورت تۇرىنەن باق سىنايدى.
اۆتور
ەركەجان سماعۇلوۆا
