پاريج-2024: قازاقستان مەدالدار كەستەسىندە تومەندەي ءتۇستى
پاريج. KAZINFORM - فرانسيا استاناسى پاريج قالاسىندا ءوتىپ جاتقان وليمپيادا ويىندارىندا قازاقستان قۇراماسى جالپى مەدالدار كەستەسىندە تومەندەپ بارا جاتىر.
بۇگىنگى جالپى مەدالدار كەستەسى بويىنشا قازاقستان قۇراماسى 1 التىن، 2 قولا مەدالمەن 25-ورىنعا جايعاستى. ال، جالپى مەدالدار سانى بويىنشا قىتاي قۇراماسى كوشباسشىلىقتى بەرەر ەمەس. ولار التىن مەدالدار سانىن 13-گە جەتكىزدى. ودان بولەك 9 كۇمىس، 9 قولا جۇلدەسى بار. ال ەكىنشى ورىندا جارىس قوجايىندارى فرانسيا كەلە جاتىر. ولاردىڭ ەنشىسىندە ازىرگە 11 التىن، 12 كۇمىس، 13 قولا بار. ال ۇزدىك ۇشتىكتى 11 التىن، 6 كۇمىس، 5 قولا جۇلدەمەن اۆستراليا قۇراماسى تۇيىندەپ تۇر.
بۇگىن پاريج وليمپياداسىندا 5 مەملەكەتتىڭ قورجىنىنا العاشقى جۇلدەلەرى ءتۇستى. وسىلايشا مەدال العان ەلدەر سانى 50-گە جەتتى.
ەستەرىڭىزگە سالا كەتسەك، فرانسيا استاناسى پاريج قالاسىندا ءوتىپ جاتقان XXXIII جازعى وليمپيادا ويىندارى 11-تامىزدا مارەسىنە جەتەدى. ويىندارعا الەمنىڭ 205 ەلىنەن 10500 سپورتشى قاتىسىپ جاتىر. وليمپياداشىلار 32 سپورت تۇرىنەن 329 مەدال جيىنتىعى ساراپقا سالۋدا.
اۆتور
كۇنسۇلتان وتارباي
