وسكەمەندە ءدامحاناعا كەلىپ، ءدىني كىتاپتار تاراتقان زەينەتكەرگە ايىپپۇل سالىندى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءتارتىپ ساقشىلارى ءدىني سيپاتتاعى ماتەريالداردى تاراتقان زەينەتكەرگە ق ر ا ق ب ت ك 490-بابى 1-بولىگىنىڭ 3-تارماعىمەن اكىمشىلىك حاتتاما تولتىردى.

«بەلگىلى بولعانداي، 66 جاستاعى قالا تۇرعىنى ءدامحانالاردىڭ بىرىنە كەلىپ، ءدىني ادەبيەت تاراتقان. حابار تۇسە سالىسىمەن جەدەل-ىزدەستىرۋ شارالارىن جۇرگىزگەن پ د ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى زەينەتكەردى انىقتادى. جينالعان ماتەريالدار ءدىن ىستەرى باسقارماسىنا جىبەرىلدى»، - دەلىنگەن اقپاراتتا.

جۇرگىزىلگەن ءدىنتانۋ ساراپتاماسىنىڭ ناتيجەلەرى بويىنشا ۇسىنىلعان كىتاپشالار مەن بۋكلەتتەردىڭ ءدىني مازمۇنى راستالدى.

ەندى قالا تۇرعىنى 50 ا ە ك (172500 تەڭگە) مولشەرىندە ايىپپۇل تولەيدى.

ەسكە سالساق، وسىعان دەيىن قازاقستان مۇسىلماندارى ءدىني باسقارماسى وقۋشى قىزداردىڭ مەكتەپكە ورامالمەن بارۋىنا قاتىستى تۋىنداعان ماسەلەگە ءوز مالىمدەمەسىن جاريالاعان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى