س ءى م شەتەلگە شىعاتىن تۋريستەرگە: مەملەكەت ءارقاشان قولدارىڭىزدان ۇستاپ جۇرە المايدى

ۆەدومستۆودا وتكەن بريفينگىدە ب ا ق وكىلدەرى مينيسترلىكتىڭ رەسمي وكىلى ايبەك سمادياروۆتان تۇركيانىڭ الانيا قالاسىندا جول اپاتىنان قايتىس بولعان ءبىر وتباسىنىڭ 3 مۇشەسىنە قاتىستى سوڭعى مالىمەتتى سۇراعان ەدى.

«ول وتباسى مۇشەلەرىنىڭ مۇردەلەرى قازاقستانعا جەتكىزىلدى. ارينە، قازىر تەرگەۋ جۇرگىزىلىپ جاتىر. ەكى كولىك سوعىسقان، جۇرگىزۋشىلەرى تەرگەلۋدە. ادۆوكاتتار بار. كونسۋلىمىز ولاردىڭ تۋعان- تۋىستارىمەن، تۇركيانىڭ جەرگىلىكتى قۇقىق قورعاۋ ورگاندارىمەن تىعىز بايلانىستا. ازاماتتارىمىز تۇركيادا دەمالىپ جاتسا، قانداي دا ءبىر ەكسكۋرسياعا نە باسقا جەرگە باراتىن بولسا، ءوز قاۋىپسىزدىگىن قامتاماسىز ەتۋى كەرەك. ولاردىڭ جانىندا مەملەكەت ءارقاشان قولدارىنان ۇستاپ جۇرە المايدى»، - دەدى ايبەك سمادياروۆ.

ونىڭ اتاپ وتۋىنشە، سىرتقى ىستەر مينيسترلىگى اتالعان وتباسى مۇشەلەرىنىڭ مۇردەلەرىن ەلگە جەتكىزۋ ءۇشىن جان- جاقتى كومەك كورسەتكەن.

ەستەرىڭىزگە سالا كەتسەك، 4 -قىركۇيەك كۇنى تۇركيانىڭ الانيا قالاسىندا سافاري- كولىك پەن جەڭىل اۆتوموبيلدىڭ سوقتىعىسۋى سالدارىنان جۋرناليست، «زەيىن اتىراۋ» ەرەكشە بالالاردى وڭالتۋ ورتالىعىنىڭ نەگىزىن قالاعان ارايلىم باقىتجان مەن 2 جاسارى قىزى وقيعا ورنىندا قايتىس بولدى.

بىرنەشە كۇننەن كەيىن اۋرۋحانانىڭ جانساقتاۋ بولمىندە جاتقان وتباسىنىڭ وتاعاسى دا كوز جۇمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى