رەسەيگە كيم چەن ىن كەلە جاتىر
بۇل تۋرالى كرەملدىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
«رەسەي پرەزيدەنتى ۆلاديمير پۋتيننىڭ شاقىرۋىمەن كورەيا حالىق دەموكراتيالىق رەسپۋبليكاسىنىڭ مەملەكەتتىك ىستەر جونىندەگى ءتوراعاسى كيم چەن ىن تاياۋ كۇندەرى رەسەي فەدەراتسياسىنا رەسمي ساپارمەن بارادى»، - دەلىنگەن حابارلامادا.
بۇعان دەيىن كيم چەن ىن رەسەيگە 2019 -جىلدىڭ ءساۋىر ايىندا كەلگەن. ول جولى رەسەي پرەزيدەنتى ۆلاديمير پۋتينمەن ۆلاديۆوستوكتا كەلىسسوز جۇرگىزدى.
بۇل مەملەكەت باسشىلارىنىڭ العاشقى كەزدەسۋى بولدى.
كوشباسشىلار جەكە- جەكە دە، دەلەگاتسيالاردىڭ قاتىسۋىمەن دە اڭگىمەلەستى. كەلىسسوز سوڭىندا ەكى ەل باسشىلارى ب ا ق وكىلدەرىنىڭ سۇراقتارىنا جاۋاپ بەردى.
سونىمەن قاتار، 2023 -جىلدىڭ شىلدەسىندە رەسەي قورعانىس ءمينيسترى سەرگەي شويگۋ پحەنيانعا كەلىپ، كيم چەن ىنمەن كەزدەستى، وعان پۋتيننىڭ جەكە حابارلاماسى مەن سىيلىعىن بەردى.
