مەكتەپتە ورامال تاعۋعا بولا ما؟ ق م د ب مالىمدەمە جاسادى
جىل سايىن جاڭا وقۋ جىلى باستالىسىمەن قىز بالالاردىڭ مەكتەپكە حيدجابپەن بارۋىنا رۇقسات ەتۋ ماسەلەسى قىزۋ تالقىلانادى. بۇعان دەيىن وقۋ- اعارتۋ ءمينيسترى عاني بەيسەمبايەۆ پىكىر قوسىپ، مەكتەپ فورماسى بۇيرىعىن ۇستانۋ كەرەگىن ايتقان ەدى.
«يماندى، ءبىلىمدى ۇرپاق تاربيەلەۋ - ءاربىر اتا- انانىڭ باستى ماقساتى. شاريعات بويىنشا باليعات جاسىنا تولعان مۇسىلمان قىزعا ورامال تاعۋ - پارىز. سول سەكىلدى ءبىلىم الۋدىڭ دا ۇكىمى - پارىز.
ءمۇفتيات شاريعات بويىنشا باليعات جاسىنا تولعان مۇسىلمان قىزعا ورامال تاعۋ پارىز ەكەنىن جوققا شىعارعان ەمەس. سونداي- اق ورامال تاعۋ ۇلتتىق ءداستۇرىمىز. مۇنى مۇسىلمان قاۋىمى تەرەڭ ءتۇسىنۋى ءتيىس. الايدا شاريعاتىمىز باليعات جاسىنا تولماعان قىزعا ورامال تاعۋدى مىندەتتەمەيدى. مۇنى دا مۇسىلمان جاماعاتى دۇرىس ءتۇسىنۋى كەرەك»، - دەپ جازىلعان ءمۇفتيات مالىمدەمەسىندە.
