ەۋروپا چەمپيوناتىنا ىرىكتەۋدە يسپانيا قۇراماسى گرۋزيانى ويسىراتا جەڭدى

بۇل كۇنگى ويىنداردىڭ اراسىندا ا توبىنداعى يسپانيا قۇراماسىنىڭ سىرت الاڭدا گرۋزيانى 7:1 ەسەبىمەن ويسىراتا جەڭگەن ەرەكشە وقيعا رەتىندە بولادى.

راسىن ايتقاندا گرۋزين فۋتبولشىلارىنىڭ ويىن دەڭگەيى اسا جوعارى ەمەس.

دەسە دە، ءوز الاڭىندا قارسىلاستارىنا ءىرى ەسەپپەن جەڭىلگەنى سيرەك كەزدەسەدى.

ويىن بارىسىندا يسپانيالىق قۇرامادان الۆارو موراتو 22، 40، 66-مينۋتتا حەت-تريك جاساسا، داني ولمو 38، نيكو ۋيليامس 60، لامين يامال 74-مينۋتتا مەرگەندىك تانىتتى.

ال 38-مينۋتتا گرۋزيالىق سولومون كۆەركۆەليا ءوزىنىڭ قاقپاسىنا گول سوعىپ الدى.

الاڭ يەلەرى قاتارىنان گەورگيي چاكۆەتادزە 49-مينۋتتا ءبىر عانا گولمەن جاۋاپ قايىردى.

اتالعان توپتاعى تاعى ءبىر كەزدەسۋدە كيپر شوتلاندياعا 0:3 ەسەبىمەن جول بەردى.

سونداي-اق، D توبىندا حورۆاتيا لاتۆيانى 5:0 ەسەبىمەن جەڭسە، تۇركيا مەن ارمەنيا 1:1 ەسەبىمەن تەڭ ءتۇستى.

J توبىندا پورتۋگاليا سىرت الاڭدا سلوۆاكيانى 1:0، ءوز الاڭىندا ليۋكسەمبۋرگ يسلانديانى 3:1، بوسنيا جانە گەرتسوگوۆينا ليحتەنشتەيندى 2:1 ەسەبىمەن تىزە بۇكتىردى.

ەسكە سالساق، بۇدان بۇرىن قازاقستان قۇراماسى سىنعا ءتۇسىپ جاتقان H توبىندا بەسىنشى تۋر ويىندارى وتكىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى