قايتا جاساقتالعان ونەركاسىپ جانە قۇرىلىس مينيسترلىگىنە قانداي ۇيىمدار قارايدى

اشىق ن ق ا پورتالىندا جاريالاعان قاۋلى جوباسىندا جازىلعانداي، مينيسترلىكتىڭ قۇرامىنا مىنا كوميتەتتەر كىرەدى:

1. ونەركاسىپ كوميتەتى؛

2. قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى؛

3. مەملەكەتتىك قورعانىستىق تاپسىرىس كوميتەتى؛

4. گەولوگيا كوميتەتى.

بۇعان قوسا، قاۋلى جوباسىندا ونەركاسىپ جانە قۇرىلىس مينيسترلىگىنىڭ قىزمەت باعىتتارى ايقىندالعان:

- ونەركاسىپتى دامىتۋ؛

- تاۋ-كەن مەتاللۋرگيا كەشەنىن دامىتۋ؛

- ماشينا جاساۋ، كومىر، حيميا بۇيىمدارى، اعاش وڭدەۋ جانە جيھاز ونەركاسىبىن قولداۋ؛

- قۇرىلىس يندۋسترياسى جانە قۇرىلىس ماتەريالدارىن ءوندىرۋ؛

- ماشينالار مەن جابدىقتاردىڭ قاۋىپسىزدىگى قامتاماسىز ەتۋ؛

- ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ؛

- باعالى مەتالدار ءوندىرىسى جانە اسىل تاستاردىڭ اينالىمىن قاداعالاۋ؛

- ارنايى ەكونوميكالىق ايماقتاردى قۇرۋ؛

- ۋران ءوندىرۋدى قوسپاعاندا، قاتتى پايدالى قازبالار بولىگىندە جەر قويناۋىن پايدالانۋعا مەملەكەتتىك باسقارۋ جۇرگىزۋ؛

- ەلدى مەكەندەر شەگىندە سۋمەن جابدىقتاۋ جانە سۋ بۇرۋ، جىلۋمەن جابدىقتا؛

- تۇرعىن ءۇي قۇرىلىسىنا ۇلەستىك قاتىسۋ؛

- قورعانىس ونەركاسىبى سالالارىندا مەملەكەتتىك ساياساتتى قالىپتاستىرۋ جانە ىسكە اسىرۋ.

مينيسترلىك جانە وعان باعىنىستى ۆەدومستۆولار قاراماعىنا مىنا ۇيىمدار كىرەدى:

- «QazIndustry» قازاقستاندىق يندۋستريا جانە ەكسپورت ورتالىعى» ا ق؛

- «قازاقستان ينجينيرينگ» ۇلتتىق كومپانياسى» ا ق؛

- «تاراز حيميالىق پاركى» ارنايى ەكونوميكالىق ايماعىنىڭ باسقارۋشى كومپانياسى» ا ق؛

- ق ر مينەرالدىق شيكىزاتتى كەشەندى قايتا وڭدەۋ جونىندەگى ۇلتتىق ورتالىعى؛

- ۇلتتىق تەحنولوگيالىق بولجاۋ ورتالىعى؛

- «ەلەكتر ەنەرگەتيكاسىن دامىتۋ جانە ەنەرگيا ۇنەمدەۋ ينستيتۋتى» ا ق؛

- «جوبالاردى مەملەكەتتىك ۆەدومستۆودان تىس ساراپتاۋ» ر م ك؛

- رەسپۋبليكالىق مەملەكەتتىك قالا قۇرىلىسىن جوسپارلاۋ جانە كاداستر ورتالىعى؛

- «قازاق عىلىمي-زەرتتەۋ جانە قۇرىلىس پەن ساۋلەت جوبالاۋ ينستيتۋتى» ا ق؛

- «قازارناۋلىەكسپورت» ر م ك؛

- «ۇلتتىق گەولوگيالىق قىزمەت» ا ق.

ۇكىمەت قاۋلىسىنىڭ جوباسى 20 قىركۇيەككە دەيىن كوپشىلىك تالقىسىندا بولادى. كەيىن قول قويۋ ءۇشىن پرەمەر-مينيسترگە جولدانادى.

ايتا كەتەيىك، 4-قىركۇيەكتە قانات شارلاپايەۆ قايتا جاساقتالعان ونەركاسىپ جانە قۇرىلىس مينيسترلىگىنىڭ باسشىسى بولىپ تاعايىندالدى.

قوسا كەتسەك، 1-قىركۇيەكتە مەملەكەت باسشىسىنىڭ جارلىعىمەن ەلىمىزدە 5 جاڭا مينيسترلىك قۇرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى