قىتايدا كەزەكتى «جىبەك جولى» حالىقارالىق مادەني كورمەسى اشىلدى
ق ح ر مادەنيەت جانە تۋريزم ءمينيسترىنىڭ ورىنباسارى لي تسيۋن قۇتتىقتاۋ ءسوز سويلەپ، «جىبەك جولى» مادەني ەكسپونىڭ ماقساتى - جىبەك جولى رۋحىن وياتۋ، مادەني-گۋمانيتارلىق كوپىر جاساپ، مادەني مۇرا سالاسىندا سەرىكتەستىك ءۇشىن پلاتفورما قۇرۋ ەكەنىن اتاپ ءوتتى.
«كونە جىبەك جولى» - ساۋدا جولى عانا ەمەس، وركەنيەتتەر الماساتىن جول، ادامدار اراسىنداعى قارىم-قاتىناس»، - دەپ اتاپ ءوتتى ول.
لي تسيۋن ۇلى جىبەك جولىنىڭ ماڭىزدى ماگيسترالدارىنىڭ ءبىرى - «چانان-تيان-شان ءدالىزى» ەكەنىن اتاپ ءوتتى. ول 5 مىڭ شاقىرىمعا سوزىلىپ، شىعىس پەن باتىستى بايلانىستىرعان ساۋدا جەلىسى بولدى. مارشرۋت چاناننان باستالىپ، جەتىسۋ ارقىلى وتكەن.
العاشقى «جىبەك جولى» حالىقارالىق مادەني ەكسپو 2016-جىلى دۋنحۋاندا ءوتتى.
دۋنحۋان 1987-جىلى يۋنەسكو الەمدىك مۇرا تىزىمىنە ەنگەن موگاو گروتالارىمەن تانىمال.
مىڭداعان بۋددانىڭ ۇڭگىرى رەتىندە تانىمال ماگاو گروتالارى جالپى اۋماعى 45 مىڭ شارشى مەتر بولاتىن، 3 مىڭنان استام ءمۇسىن بار 492 ۇڭگىردەن قۇرالعان. ۇزىندىعى - 1600 مەتر.
قازىرگى ۋاقىتتا تاريحي جانە مادەني جەرلەرى، گەوساياباعى بار دۋنحۋان قىتايلىق جانە شەتەلدىك تۋريستەر ءجيى باراتىن ورىنعا اينالدى.
