مينيسترلىك شەتەلگە كەتكەن عالىمداردى قايتارۋعا باعىتتالعان باعدارلاما ازىرلەمەك

اتالعان ۆەدومستۆودان كەيىنگى 2 جىلدا قانشا قازاقستاندىق عالىم وزگە مەملەكەتتەرگە جۇمىس ىستەۋگە كەتكەنىن سۇراپ، رەسمي ساۋال جولداعان ەدىك. جاۋاپ مىناداي: «عالىمداردىڭ ەلدەن كەتۋى بويىنشا اقپارات قالىپتاستىرىلمايدى. قازاقستان رەسپۋبليكاسىندا جوعارى ءبىلىمدى جانە عىلىمدى دامىتۋدىڭ 2023-2029 -جىلدارعا ارنالعان تۇجىرىمداماسى اياسىندا عالىمداردى ەلگە قايتارۋعا باعىتتالعان باعدارلاما ازىرلەۋ كوزدەلگەن».

الايدا مينيسترلىك شەتەلگە تاجىربيە جيناقتاۋعا كەتكەندەر جايلى ستاتيستيكامەن ءبولىستى.

«2021-2022 -جىلدارى 416 عالىمعا الەمنىڭ جەتەكشى ورتالىقتارىندا تاعىلىمدامادان وتۋگە گرانتتار بەرىلدى. قازىرگى تاڭدا تاعىلىمداماسىن اياقتاعان 257 عالىم ەلگە ورالدى. قالعان عىلىمي قىزمەتكەرلەردىڭ تاعىلىمداما مەرزىمى اياقتالمادى»، - دەلىنگەن مينيسترلىكتىڭ جاۋابىندا.

ەسكە سالايىق، بۇعان دەيىن عىلىم جانە جوعارى ءبىلىم ءمينيسترى ساياسات نۇربەك قازاقستان 10 جىلدا قانشا عالىمدى جوعالتقانىن ايتقان ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى