قازاقستان قىتايعا ەكسپورتتى ارتتىرۋعا دايىن - ءاليحان سمايىلوۆ
ۇكىمەت باسشىسى بۇگىندە قازاقستان مەن قىتاي اراسىنداعى جالپى تاۋار اينالىمى كولەمىنىڭ %6 استامى شاندۋنعا تيەسىلى ەكەنىن اتاپ ءوتتى. سونىمەن قاتار قازاقستان ءوز ونىمدەرىن قىتاي نارىعىنا ودان ءارى ىلگەرىلەتۋگە جانە ءوزارا ءىس-قيمىلدىڭ جاڭا باعىتتارىن قاراستىرۋعا مۇددەلى. وسىنى ەسكەرە وتىرىپ، «ءبىر بەلدەۋ، ءبىر جول» باستاماسى شەڭبەرىندە كولىك الەۋەتىن دامىتۋ جانە ءوزارا ءىس-قيمىلدى تەرەڭدەتۋ ەرەكشە وزەكتى.
ءبىر كۇن بۇرىن الماتىدا قازاقستان ارپاسىن ق ح ر- عا جەتكىزۋ ءۇشىن «قىتاي-ەۋروپا» باعىتى بويىنشا العاشقى كەرى باعىتتاعى پويىزدىڭ ىسكە قوسىلۋى وسىعان ىقپال ەتەتىن بولادى. ءبىز وسى باعىت ارقىلى قازاقستان ونىمدەرىن جەتكىزۋدى ارتتىرۋعا جانە جەتكىزىلەتىن تاۋارلار مەن قىزمەت تۇرلەرىن كەڭەيتۋگە دايىنبىز، - دەدى ءاليحان سمايىلوۆ.
سونداي-اق پرەمەر-مينيستر استانادا شاندۋن پروۆينتسياسىمەن ىنتىماقتاستىق جونىندەگى قازاقستان-قىتاي فورۋمىن وتكىزۋدىڭ ماڭىزدىلىعىن اتاپ ءوتتى.
بۇل ءىس- شارا ءبىزدىڭ ىسكەر توپتارىمىز اراسىنداعى ءونىمدى ساۋدا-ينۆەستيتسيالىق ءوزارا قارىم-قاتىناستاردى كەڭەيتۋگە مۇمكىندىك بەرەتىنى ءسوزسىز، — دەدى ول.
ءوز كەزەگىندە لين ۋ شاندۋن پروۆينتسياسى مەن قازاقستان وڭىرلەرى اراسىندا ءونىمدى ىنتىماقتاستىق ورناعانىن اتاپ ءوتتى. بۇل رەتتە اۋىل شارۋاشىلىعى ونىمدەرىن تەرەڭ وڭدەۋ، ساۋدا جانە لوگيستيكالىق ينفراقۇرىلىم قۇرىلىسى سالالارىنداعى ءوزارا ءىس-قيمىلدى كەڭەيتۋ بويىنشا ۇلكەن الەۋەت بار.
بۇل جولى بىزبەن بىرگە شاندۋن پروۆينتسياسىنان اتالعان سالالارداعى 100 دەن استام كاسىپورىننىڭ وكىلدەرى كەلدى. ءبىز ءبىرقاتار بىرلەسكەن ساۋدا- ەكونوميكالىق جوبالارعا قول قويامىز دەپ وتىرمىز. ورتاق كۇش- جىگەردىڭ ارقاسىندا بولاشاقتاعى ىنتىماقتاستىعىمىز كەڭەيەتىنىنە سەنىمدىمىز. ءبىز كاسىپورىندارىمىز اراسىنداعى سەرىكتەستىكتى تەرەڭدەتىپ، بىرلەسكەن جوبالاردى كوبىرەك جۇزەگە اسىرۋعا دايىنبىز، — دەدى لين ۋ.
شاندۋن پروۆينتسياسى قىتايدىڭ شىعىس جاعالاۋىندا ورنالاسقان اۋىلشارۋاشىلىق ءوندىرىسى بويىنشا ماڭىزدى ايماق. مۇندا بيداي، ماقتا، جەرجاڭعاق، تەمەكى، ءداندى داقىلدار جانە ت. ب. وسىرىلەدى. شاندۋن - ەلدىڭ نەگىزگى باۋ-باقشا جانە ەگىستىك ايماقتارىنىڭ ءبىرى، سۋ ونىمدەرى مەن تۇت پىللەسىن ءوسىرۋدىڭ جەتەكشى ورتالىقتارى.
2022-جىلعى جەلتوقساندا «ق ت ج» ۇ ك» ا ق مەن ق ح ر- دىڭ ءىرى پورت وپەراتورى «شاندۋن پورت توبى» ىنتىماقتاستىق تۋرالى مەموراندۋمعا قول قويدى. ونىڭ شەڭبەرىندە مۋلتيمودالدى كونتەينەرلىك قىزمەتتەر مەن ىلەسپە سيفرلىق ونىمدەردى دامىتۋ جونىندە ۋاعدالاستى.
