وقۋشىلاردا سۋدى ۇنەمدەۋ مادەنيەتىن قالىپتاستىراتىن باعدارلاما ازىرلەنەدى
بۇل تۋرالى پارلامەنت پالاتالارىنىڭ بىرلەسكەن وتىرىسىنان كەيىن وقۋ- اعارتۋ ءمينيسترى عاني بەيسەمبايەۆ ايتتى، دەپ حابارلايدى قازاقپارات ءتىلشىسى.
«سۋدى ۇنەمدەۋ ساباقتاردا، قوسىمشا جانە مەكتەپتەن تىس ءىس- شارالاردا قاراستىرىلعان. دەگەنمەن، وسى جولعى جولداۋدى ەسكەرە وتىرىپ، بۇل باعىتتا مەكتەپتەردەگى تاربيە جۇمىستارىن كۇشەيتۋ قاجەت سياقتى. وقۋشىلارىمىزدىڭ اراسىندا سۋدى ۇنەمدەۋ مادەنيەتىن قالىپتاستىرۋدى كۇشەيتەتىن جەكە باعدارلاما قابىلدانادى»، - دەدى مينيستر باق وكىلدەرىنىڭ ساۋالىنا وراي.
سونىمەن قاتار عاني بەيسەمبايەۆ وقۋشىلاردى قارجى ساۋاتتىلىعىنا تاربيەلەۋ ماسەلەسىنە دە توقتالدى.
«قارجى ساۋاتتىلىعى - بۇل تاقىرىپ 2019 -جىلدان مەكتەپتەرگە ەنگىزىلدى. دەگەنمەن، وزگە دە تاجىريبەلەردى ەسكەرە وتىرىپ، مەكتەپتەردە بۇل باعىتتاعى جۇمىستاردى جاڭاشا كۇشەيتكىمىز كەلەدى»، - دەدى ۆەدومستۆو باسشىسى.
ايتا كەتەيىك، بۇگىن مەملەكەت باسشىسى قاسىم- جومارت توقايەۆ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىن جاريا ەتتى. وندا پرەزيدەنت ەلىمىزدە سۋدى ۇنەمدى پايدالانۋ مادەنيەتى جوق ەكەندىگىن ايتقان ەدى.
