قىتايعا «ساولا» سۋپەرتايفۋنى جاقىندادى
بۇل تۋرالى قىتايدىڭ ورتالىق مەتەورولوگيالىق باسقارماسىنان مالىمدەدى، دەپ حابارلايدى قازاقپارات.
مەتەورولوگتاردىڭ بولجامىنشا، «ساولا» سۋپەرتايفۋنى سولتۇستىك-باتىس باعىتتا 10-15 ك م/ساع جىلدامدىقپەن قوزعالىپ، گۋاندۋن پروۆينتسياسىنىڭ شىعىس جاعالاۋىنا جانە فۋتسزيان پروۆينتسياسىنىڭ (شىعىس قىتاي) وڭتۇستىك جاعالاۋ ايماقتارىنا جاقىنداپ كەلەدى.
تايفۋن 1- قىركۇيەكتە گۋاندۋن پروۆينتسياسىنىڭ جاعالاۋىنا، سونداي-اق گونكونگقا جەتۋى مۇمكىن. قازىر ونىڭ وشاعى گۋاندۋن پروۆينتسياسىنىڭ شىعىس جاعالاۋىنان وڭتۇستىك-شىعىسقا قاراي 485 شاقىرىم جەردە ورنالاسقان. تايفۋننىڭ ورتالىق بولىگىندە جەلدىڭ جىلدامدىعى - 62 م/س.
قىتايدىڭ ورتالىق مەتەورولوگيالىق باسقارماسى گۋاندۋن جانە فۋتسزيان پروۆينتسيالارىنىڭ بيلىگىنە قاجەتتى الدىن الۋ شارالارىن قابىلداۋدى ۇسىندى. اشىق جەردە بۇقارالىق ءىس-شارالار وتكىزۋگە تىيىم سالىنادى، ال تەڭىزدەگى كەمەلەرگە پورتتارعا ورالۋ بۇيىرىلادى. گونكونگ مەتەورولوگيالىق قىزمەتى دە «ساولا» تايفۋنىنىڭ جاقىنداۋىنا بايلانىستى اۋا رايىنىڭ قاۋىپتى دەڭگەيىن ارتتىردى.
