پروكۋراتۋرا كەڭسەسىندە ەر ادام ءوزىن- ءوزى ورتەمەك بولدى

وقيعا بۇگىن تاڭەرتەڭ بولدى. قالا پروكۋراتۋراسىنىڭ فرونت وفيسىنە كەلگەن 15 كە جۋىق ادام، ەڭبەكشى اۋدانىنىڭ پوليتسيا باسقارماسىمەن تەرگەلگەن قىلمىستىق ءىس بويىنشا قابىلدانعان شەشىممەن كەلىسپەيتىنىن ايتقان. سونداي-اق، قالا پروكۋرورىنىڭ جەكە قابىلداۋىن تالاپ ەتكەن.

شىمكەنت قالاسى پروكۋراتۋراسىنىڭ كەزەكشى پروكۋرورى ءتۇسىندىرۋ جۇمىستارىن جۇرگىزۋى كەزىندە ەر ادامنىڭ ءبىرى ۇستىنە بەنزين قۇيىپ، ءوز-ءوزىن ورتەۋگە وقتالعان.

پروكۋراتۋرا قىزمەتكەرلەرى تەز ارادا ارەكەت ەتىپ، ونى توقتاتتى.

ال، ءبىر ايەل ادام ءوزىن ناشار سەزىنگەندىكتەن، جەدەل جاردەم بريگاداسى شاقىرتىلىپ، مەديتسينالىق كومەك كورسەتىلدى.

«اتالعان دەرەك ءال-فارابي ا پ ب- نىڭ ا ە ك- نا تىركەلىپ، قازىرگى تاڭدا تەكسەرۋ امالدارى جۇرگىزىلىپ جاتىر. تەكسەرۋ ناتيجەسىنە قاراي اتالعان ازاماتتاردىڭ ارەكەتتەرىنە زاڭدى باعا بەرىلەتىن بولادى»، - دەلىنگەن شىمكەنت قالاسىنىڭ پروكۋراتۋراسى تاراتقان اقپاراتتا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى