ساياسات نۇربەك ءوز جۇمىسىنا كوڭىلى تولمايتىنىن ايتتى
«بيىل عىلىمعا بولىنگەن ەلەۋلى قاراجات اعىنىن سەزىنگەن شىعارسىزدار - گرانتتىق قارجىلاندىرۋ ەسەبىنەن 159 ميلليارد تەڭگەگە جۋىق قاراجات باعىتتالدى. قازىر ع ز ي جانە ج و و- مەن وسى قاراجاتتى دۇرىس جانە بارىنشا ءتيىمدى يگەرۋ بويىنشا ۇلكەن جۇمىس كۇتىپ تۇر. كەشە ءبىز ع ز ي باسشىلارىمەن ۇلكەن كەڭەس وتكىزدىك، كەلەسى جىلعا ءبىلىم بەرۋ جانە عىلىمي تاپسىرىس ءتۇزۋ جونىندە وسى ديالوگتى جالعاستىرامىز. بيىل قارجىلاندىرۋدىڭ وسىنداي تەرىس تسيكلىن ۇزۋگە ۋادە بەرەمىز»، - دەدى ساياسات نۇربەك ەلوردادا «جوعارى ءبىلىم جانە عىلىم-2023» فورۋمىندا.
مينيستر پرەزيدەنت تاپسىرمالارىن ورىنداۋ بويىنشا ءوز جۇمىسىنا باعا بەردى.
«بيىل جىلدى دا جاقسى باستاعان جوقپىز - ۇكىمەتكە ەسەپ بەرگەن كەزدە پرەزيدەنت تاپسىرمالارىن ورىنداۋ بويىنشا وزىندىك باعالاۋ كورسەتكىشى بار. وكىنىشكە قاراي، دايىندىق جۇمىستارى مەن قارجىلاندىرۋ بويىنشا مەن وزىمە قاناعاتتانارلىقسىز باعا قويىپ وتىرمىن»، - دەدى ساياسات نۇربەك.
