الماتىدا ءبىر قوعامدىق كولىكتەن ەكىنشىسىنە اۋىسىپ وتىرۋ تەگىن بولادى
سونىڭ اياسىندا مەگاپوليستە ءبىر قوعامدىق كولىكتەن ەكىنشىسىنە اۋىسىپ وتىرۋ تەگىن بولادى.
بۇل تۋرالى ەربولات دوسايەۆ وتكەن جۇما كۇنى قازاقستان پرەزيدەنتى قاسىم-جومارت توقايەۆقا ەسەپ بەرۋ بارىسىندا ايتتى، دەپ حابارلايدى قازاقپارات ءتىلشىسى.
«ءبىرىنشى كەزەڭدە 2024 -جىلى رايىمبەك داڭعىلىنداعى BRT پيلوتتىق ءدالىزىنىڭ قۇرىلىسى باستالادى جانە ەكىنشى كولىككە تەگىن اۋىسىپ وتىرۋعا مۇمكىندىك بەرەتىن جاڭا تاريفتىك باعا ەنگىزىلەدى»، - دەپ اتاپ ءوتتى الماتى اكىمى.
ەكىنشى كەزەڭ بارىسىندا، 2025-2026 -جىلدارى LRT كولىك دالىزدەرىنىڭ سانى 10 عا دەيىن ۇلعايادى جانە ۇزىندىعى 26 ك م بولاتىن ءبىرىنشى LRT جەلىسىن ىسكە قوسادى. ول جەلى باتىس جاقتان قالا ورتالىعىنا بارادى. الماتى-1 جانە الماتى-2 ستانسيالارى جەر ءۇستى مەتروپوليتەنىن قوسادى.
«كولىك جەلىسىن دامىتۋ ترافيكتى ءتيىمدى باسقارۋعا ارنالعان قۇرالداردىڭ بولۋىن بولجايدى. 2025 -جىلى قالالىق ماگيسترالدار، قوعامدىق كولىك جانە «اقىلدى» باعدارشامدار بىرىكتىرىلەتىن زياتكەرلىك جۇيەنى ىسكە قوسۋ جوسپارلانۋدا»، - دەدى شاھار باسشىسى.
ەسكە سالايىق، مەملەكەت باسشىسى 18-تامىز كۇنى الماتىعا ءىس ساپارمەن كەلگەن بولاتىن.
بۇعان دەيىن الماتىنىڭ 2040 -جىلعا دەيىنگى باس جوسپارىن ازىرلەۋشىلەر قوعامدىق كولىكتى دامىتۋ پەرسپەكتيۆالارى تۋرالى ايتقان بولاتىن.
