بۇگىن ەلىمىزدىڭ باتىسىندا قاتتى ىستىق بولادى
جوعارى قىسىم القابىنىڭ اسەرىنەن ەلىمىزدىڭ باسىم بولىگىندە اۋا رايى نەگىزىنەن جاۋىن- شاشىنسىز بولادى دەپ كۇتىلەدى. تەك ەلدىڭ سولتۇستىگىندە، وڭتۇستىك- باتىسىندا جانە وڭتۇستىك- شىعىسىندا، تاۋلى ايماقتارىندا فرونتالدى بولىمدەر وتۋىمەن، نايزاعايمەن قوسا وتكىنشى جاڭبىر جاۋادى، بۇرشاق، داۋىل بولۋى ىقتيمال.
«رەسپۋبليكا بويىنشا ەكپىندى جەل بولجانادى، سولتۇستىك- باتىستا تۇنگى جانە تاڭەرتەڭگى ساعاتتاردا تۇمان تۇسەدى.
كۇندىز اتىراۋ، باتىس قازاقستان، اقتوبە وبلىستارىنىڭ باتىسىندا، وڭتۇستىگىندە 35-38 گرادۋسقا دەيىن قاتتى ىستىق بولادى.
اتىراۋ، ماڭعىستاۋ، جامبىل، قىزىلوردا، باتىس قازاقستان، اقتوبە وبلىستارىندا، قوستاناي وبلىسىنىڭ وڭتۇستىگىندە، الماتى وبلىسىنىڭ سولتۇستىگىندە، تۇركىستان وبلىسىنىڭ سولتۇستىگىندە، باتىسىندا، وڭتۇستىگىندە، ءشولدى اۋداندارىندا توتەنشە ءورت قاۋىپى كۇتىلەدى»، - دەپ جازدى سينوپتيكتەر.
سولتۇستىك قازاقستان، قاراعاندى، ۇلىتاۋ وبلىستارىندا، الماتى وبلىسىنىڭ وڭتۇستىگىندە، اقمولا وبلىسىنىڭ باتىسىندا، سولتۇستىگىندە، وڭتۇستىگىندە، جەتىسۋ وبلىسىنىڭ باتىسىندا جوعارى ءورت قاۋىپى ساقتالادى.
