توعىز جاستاعى بالا التى جاستاعى بالانى اتىپ ءولتىردى
بالا دۇيسەنبى كۇنى اۋرۋحاناعا جەتكىزىلىپ، ارتىنشا كوپ ۇزاماي قايتىس بولعان. وقيعانىڭ قالاي بولعانى تەكسەرىلىپ جاتىر.
اتىس كەزىندە ۇيدە ەرەسەك ادام بولعان، ودان جاۋاپ الىندى. پوليتسيا زورلىق-زومبىلىق بەلگىلەرى جوق ەكەنىن حابارلادى. ءازىر ەشكىمگە ايىپ تاعىلعان جوق.
Gun Violence Archive ۇيىمىنىڭ مالىمەتى بويىنشا، بيىل ا ق ش- تا 17 جاسقا دەيىنگى 1114 تەن استام بالالار مەن جاس وسپىرىمدەر اتىس قارۋىنان قازا تاپتى، تاعى 3065 بالا جاراقات الدى. اۋرۋلاردى باقىلاۋ جانە الدىن الۋ ورتالىقتارىنىڭ دەرەكقورىنا سايكەس، 2021-جىلى 1 مەن 18 جاس ارالىعىنداعى بالالار اراسىنداعى ءولىمنىڭ شامامەن %19 اتىس قارۋىنان بولعان.
2020-جىلى ا ق ش- تا باسقا سەبەپتەردەن گورى وق جاراقاتىنان قازا تاپقان بالالار كوپ. ءتىپتى وق ءتيىپ قازا تاپقاندار سانى جول-كولىك وقيعاسى قۇرباندارىنىڭ سانىنان اسىپ تۇسكەن.
