قازاقستاندا بولۋ مەرزىمىن بۇزعان شەتەلدىكتەرگە قانشا ايىپپۇل سالىنادى

بۇل تۋرالى استانا قالاسى پوليتسيا دەپارتامەنتى كوشى- قون قىزمەتى باسقارماسىنىڭ باسشىسى ەربول ماحمەتوۆ ءمالىم ەتتى، دەپ حابارلايدى قازاقپارات ءتىلشىسى.

«ەلىمىزگە كەلگەن شەتەل ازاماتتارى مەن ولاردى قابىلداعان جاقتان قازاقستاندا بولۋ زاڭناماسىنىڭ بۇزىلۋىنا جول بەرمەۋىن سۇرايمىز»، - دەدى ەربول ماحمەتوۆ پوليتسيا دەپارتامەنتىندە وتكەن باسپا ءسوز ءماسليحاتىندا.

ونىڭ ايتۋىنشا، ەلىمىزدە بولۋ قاعيدالارى بۇزىلعان جاعدايدا شەتەلدىكتەر اكىمشىلىك- قىلمىستىق كودەكستىڭ 517-بابى بويىنشا اكىمشىلىك جاۋاپكەرشىلىككە تارتىلادى. ياعني قازاقستاندا بولۋ مەرزىمىن بۇزۋ.

ايىپپۇلدىڭ مولشەرى بولۋ مەرزىمىنىڭ بۇزىلۋىنا بايلانىستى تاعايىندالادى. مىسالى، 3 تاۋلىككە دەيىن - ەسكەرتۋ، 5 تاۋلىككە دەيىن - 10 ا ە ك (ايلىق ەسەپتىك كورسەتكىش)، 10 تاۋلىككە دەيىن 15 ا ە ك.

ەگەر شەتەل ازاماتى ەلىمىزدە بولۋ مەرزىمىن 10 تاۋلىكتەن ارتىق بۇزسا، وندا اكىمشىلىك حاتتاما سوتقا جىبەرىلەدى. سوتتىڭ شەشىمىمەن ايىپتىعا 25 ا ە ك كولەمىندە ايىپپۇل سالىنادى نەمەسە ەلدەن شىعارىلادى.

«ەلگە 30 تاۋلىكتەن استام مەرزىمگە كەلگەن شەتەل ازاماتتارىنا (جۇمىس، وقۋ، ەمدەۋ، بيزنەس- يمميگرانتتار ءۇشىن، سونداي- اق وتباسىنا كەلۋ جانە تۇراقتى تۇرۋ ماقساتىندا) ۋاقىتشا تۇرۋعا رۇقسات رەسىمدەلەدى. جىل باسىنان بەرى 27731 رۇقسات رەسىمدەلدى»، - دەپ قورىتىندىلادى سپيكەر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى