بيىل قازاقستان قانشا ميلليون توننا استىق ەكسپورتتايدى

بۇل تۋرالى اۋىل شارۋاشىلىعى مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«قازاقستاننىڭ ءبيدايى مەن ۇنىن ءداستۇرلى يمپورتتاۋشىلارى - ورتالىق ازيا ەلدەرى مەن اۋعانستان. 2022-جىلى اتالعان وڭىرلەرگە استىق ەكۆيۆالەنتىندە 7,7 ميلليون توننا قازاقستاندىق ءبيداي مەن ۇن ەكسپورتتالدى. بۇل رەتتە ەكسپورتتىڭ 80,5 پايىزى وزبەكستان مەن اۋعانستانعا تيەسىلى. 2023-جىلدىڭ قاڭتار-ماۋسىم ايلارى ارالىعىندا وڭىرلەرگە 4186 مىڭ توننا استىق ەكۆيۆالەنتىندە ءبيداي مەن ۇن ەكسپورتتالدى. ونىڭ ىشىندە وزبەكستانعا - 2345 مىڭ توننا، تاجىكستانعا - 428 مىڭ توننا، تۇرىكمەنستانعا - 259 مىڭ توننا، قىرعىزستان - 7,6 مىڭ توننا جانە اۋعانستانعا - 1146 مىڭ توننا ءبيداي»، - دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا وراي.

سونىمەن قاتار مينيستر 2023/2024 ماركەتينگ جىلىندا ەلىمىز قانشا توننا استىق ەكسپورتقا شىعاراتىندىعىنا قاتىستى مالىمەتتى جاريالادى.

«ەگەر سوڭعى 3 جىلدى الىپ قاراساق، ەلىمىز 2020-جىلى - 4,7 ميلليون، 2021-جىلى - 5,5 ميلليون توننا جانە 2022-جىلى 6,1 ميلليون توننا ءبيداي ەكسپورتتاعان. قازىرگى كەزدەگى ەكسپورتتى دامىتۋ ءىس-شارالارىن ەسەپكە الا وتىرىپ، 2023-جىلدىڭ ەكسپورت كولەمى 2022-جىلدىڭ كورسەتكىشىنەن كەم بولماۋى ءتيىس دەپ سانايمىز»، - دەدى ۆەدومستۆودان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى