ەلوردا ىرگەسىندەگى ەلدى مەكەندەردە قانشا حالىق تۇرادى

«ەلوردادان 30 شاقىرىم راديۋستا بولجامدى حالىق سانى 283 مىڭ ادامدى قۇرايتىن 39 ەلدى مەكەن ورنالاسقان جانە ماياتنيكتىك كوشى- قون دەڭگەيى - 85 مىڭ ادام. دەمەك، قالاعا كۇن سايىن 85 مىڭ ادام كەلىپ، كەتەدى. استانادان 60 شاقىرىم ايماقتا 83 مىڭ ادام تۇراتىن 50 ەلدى مەكەن بار. ماياتنيكتىك كوشى- قون دەڭگەيى جىلىنا 11 مىڭ ادامدى قۇرايدى»، - دەدى بۇگىن قوعامدىق تالقىلاۋ كەزىندە «استانا قالاسىنىڭ 2035 -جىلعا دەيىنگى باس جوسپارىنىڭ» جاڭا جوباسىن تانىستىرعان سەرىك ءابدىراحمانوۆ.

ونىڭ دەرەگىنشە، 60 شاقىرىم ايماقتان كۇن سايىنعى جالپى كوشى- قون 96 مىڭ ادامعا جەتەدى.

«ماياتنيكتىك كوشى- قون جاعدايىن جاقسارتۋ ءۇشىن جوبالىق شەشىمدەرگە سايكەس استانا اگلەومەراتسياسى ايماعىن قاتار دامىتۋ، قوسىمشا جۇمىس ورىندارىن قۇرۋ، ءومىر ساپاسىن جاقسارتۋ قاجەت»، - دەدى س. ءابدىراحمانوۆ.

بۇعان دەيىن «استانا قالاسىنىڭ 2035 -جىلعا دەيىنگى باس جوسپارىنىڭ» جاڭا جوباسى بويىنشا قوعامدىق تالقىلاۋ وتكەنىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى