تالدىقورعاندا جاۋىنگەرلىك ۇشاقتى دايىنداۋ كەزىندە اسكەري قىزمەتشى مەرت بولدى
باسپا ءسوز قىزمەتىنىڭ مالىمەتتەرىنە قاراعاندا، 2023-جىلعى 15- تامىزدا تالدىقورعان اۆياتسيالىق بازاسىندا جاۋىنگەرلىك ۇشاقتى ۇشۋعا دايىنداۋ كەزىندە وق-دارىلەر وزدىگىنەن قوزعالىپ كەتكەن.
سونىڭ سالدارىنان 2 اسكەري قىزمەتشى زارداپ شەكتى. ولاردىڭ بىرەۋى العان جاراقاتتارىنان قايتىس بولدى. ەكىنشى اسكەري قىزمەتشىگە بارلىق قاجەتتى مەديتسينالىق كومەك كورسەتىلۋدە.
تەرگەۋ ءىس-شارالارى جۇرگىزىلىپ جاتىر. تەرگەۋ مۇددەسىنە سايكەس وزگە اقپاراتتار جاريالاۋعا جاتپايدى.
«قارۋلى كۇشتەردىڭ قولباسشىلىعى مەن جەكە قۇرامى قازا تاپقان اسكەري قىزمەتشىنىڭ تۋىستارى مەن جاقىندارىنا قايعىرىپ كوڭىل ايتادى»، - دەلىنگەن حابارلامادا.
