پوليتسيا تالدىقورعاندىق ايەل جۋرناليستى شەشىندىرىپ ءتىنتۋىن نەلىكتەن ۆيدەوعا تۇسىرگەنىن ايتتى
ەسكە سالا كەتەييىك، 11-تامىزدا جەتىسۋلىق جۋرناليست، ازاماتتىق بەلسەندى ساندۋعاش دۇيسەنوۆا ۇستالعان ەدى.
وعان ق ر قىلمىستىق كودەكستىڭ 147-بابى 5-بولىگى بويىنشا ايىپ تاعىلعان. بۇل باپتا ادامنىڭ جەكە ءومىرى تۋرالى اقپاراتتى تاراتقاندارعا جازا قاراستىرىلعان.
كەيىن بوساپ شىققان جۋرناليست ءوزىن پوليتسەيلەر بولىمشەدە جالاڭاشتاپ شەشىندىرىپ، ۆيدەوعا تۇسىرگەنىن جەتكىزدى.
وسىعان وراي جەتىسۋ وبلىستىق پ د مالىمدەمە جاسادى.
«ب ا ق-تا جانە الەۋمەتتىك جەلىلەردە ازاماتشا دۇيسەنوۆانى ۇستاۋ كەزىندە پوليتسيا قىزمەتكەرلەرى تاراپىنان زاڭسىز ارەكەتتەر بولعان تۋرالى اقپارات تاراپ جاتىر. 11-تامىزدا سوتتىڭ سانكسياسىمەن سوتقا دەيىنگى تەرگەۋ اياسىندا دۇيسەنوۆاعا جەكە ءتىنتۋى جۇرگىزىلگەن. جەكە ءتىنتۋ ءراسىمى تەرگەۋشى، كريميناليست جانە ەكى كۋاگەردىڭ قاتىسۋىمەن (بارلىعى تىنتىلگەن اداممەن ءبىر جىنىستى) قىلمىستىق-پروتسەستىك كودەكسىنىڭ تالاپتارىنا قاتاڭ سايكەس جۇزەگە اسىرىلدى. وسى تەرگەۋ ارەكەتىن جۇرگىزۋ كەزىندە عىلىمي-تەحنيكالىق قۇرالداردى (بەينەكامەرا) قولدانۋ مىندەتتى جانە ق پ ك-مەن رەتتەلەدى» دەپ مالىمدەدى پوليتسيا.
دەگەنمەن كۇدىكتىنى جەكە ءتىنتۋ كەزىندە تىيىم سالىنعان زاتتار تابىلماعان.
