قاراعاندىلىق پوليتسەيلەر قالا شەتىندەگى ورمان القابىنان قارۋ-جاراق پەن وق-دارىلەر تاپتى

سايتتاعى مالىمەتتەرگە قاراعاندا، جەدەل- ىزدەستىرۋ شاراسىن وبلىستىق پوليتسيا دەپارتامەنتى كريمينالدىق پوليتسيا باسقارماسىنىڭ قىزمەتكەرلەرى ءى ءى م قىلمىستىق-اتقارۋ جۇيەسى كوميتەتىنىڭ جەدەل باسقارما قىزمەتكەرلەرىمەن بىرلەسىپ جۇرگىزگەن.

وقيعا ورنىنان جەدەل-تەرگەۋ توبى قىزمەتكەرلەرى «بايكال» ماركالى تەگىس ۇڭعىلى مىلتىق، «سوۆاج» ماركالى قوس ۇڭعىلى كارابين، 12 كاليبرلى قوس ۇڭعىلى شولاق مىلتىق، ي ج-21 تەگىس ۇڭعىلى مىلتىق، ماكاروۆ تاپانشاسى، ءارتۇرلى كاليبرلى 188 بىرلىك وق-دارىلەر جانە ىشىندە 1440 پاترونى بار مورلەنگەن مىرىش قوراپ تاركىلەدى.

قازىرگى ۋاقىتتا تاركىلەنگەن قارۋ-جاراق پەن وق-دارىلەرگە ءتيىستى ساراپتامالار تاعايىندالدى.

اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 287-بابى 3-بولىگىنە سايكەس قىلمىستىق ءىس قوزعالدى. اتالعان باپتىڭ سانكسياسىنا سايكەس بەس جىلعا دەيىن باس بوستاندىعىن شەكتەۋگە نە بولماسا سول مەرزىمگە باس بوستاندىعىنان ايىرۋ جازاسى كوزدەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى