الماتىداعى «اقكەنت» تۇرعىن ءۇي كەشەنىندەگى ورتكە قاتىستى ەكى قىلمىستىق ءىس قوزعالدى

بۇل تۋرالى الماتى قالالىق ت ج د باستىعىنىڭ مىندەتىن اتقارۋشى پولكوۆنيك ەرلان الىبەكوۆ ايتتى، دەپ حابارلايدى قازاقپارات ءتىلشىسى.

«ءورت فاكتىسى بويىنشا قالالىق پروكۋراتۋرا ۆەدومستۆوارالىق تەرگەۋ جەدەل توبىن قۇردى، ونىڭ قۇرامىنا انىقتاۋشىلار كىردى. ەكى قىلمىستىق ءىس قوزعالدى. ءورت-تەحنيكالىق ساراپتامالار تاعايىندالدى. قازىرگى ۋاقىتتا جەدەل تەرگەۋ ارەكەتتەرى جۇرگىزىلۋدە»، - دەدى سپيكەر.

ەسكە سالايىق، ءبىز بۇعان دەيىن الماتىدا 16 قاباتتى ۇيدە ءورت بولعانىن حابارلاعانبىز

قىزىل جالىن ساعات 18:46 كەزىندە وقشاۋلانىپ، ءسوندىرىلدى.

31 ادام، ونىڭ ىشىندە 16 بالا اۋرۋحاناعا جەتكىزىلگەن بولاتىن.

امالى قالماعان تۇرعىندار بالالارىن تەرەزەدەن لاقتىردى.

زارداپ شەككەندەردىڭ ىشىندە 2 جۇكتى ايەل بار.

كەيىن الماتى قالالىق دەنساۋلىق ساقتاۋ باسقارماسى ءبىر ادامنىڭ قازا تاپقانىن حابارلادى.

ورتتەن زارداپ شەككەن تۇرعىندار تاماق جانە جاتىن ورىنمەن قامتاماسىز ەتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى