ەلىمىزدە مۇلىكتى راسىمدەۋ دەرەكتەرى شەنەۋنىكتەردى دەكلاراتسيالاۋ اياسىندا تەكسەرىلەدى
«2025-جىلعا دەيىن ەشقانداي ايىپپۇل ءىس-شارالارى قولدانىلمايدى. 2025-جىلى جالپىعا ورتاق دەكلاراتسيالاۋ پروتسەسىن اياقتايمىز. بۇل مەملەكەتتىك قىزمەتشىلەرگە قاتىستى. سول كەزدە ءبارى جاريالاناتىن بولادى. ءوز مۇلكىن دەكلاراتسيالامايتىن نە سالىق تولەمەيتىندەرگە ءتيىستى ءىس-شارا قولدانىلادى»، - دەدى ەرۇلان جاماۋبايەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، بۇل جۇمىس مەملەكەتتىك قىزمەتشىلەرگە دە، كاسىپكەرلەرگە دە قاتىستى بىردەي جۇرگىزىلەدى.
«بىزدە جالپىعا ورتاق دەكلاراتسيالاۋ بىرنەشە كەزەڭگە بولىنەدى. سوڭعىسى - 2025-جىلى بولادى. ءبىز سول دۇرىس بولادى دەپ شەشتىك. ويتكەنى، مەملەكەتتىك قىزمەتشىلەردىڭ تۋىستارى بار. قانداي دا ءبىر مۇلىك دۇرىس راسىمدەلمەگەن شىعار. مۇنىڭ ءبارىن 2025-جىلى انىقتايمىز. جالپى جاعداي بەلگىلى بولادى. كىمدە قانداي مۇلىك جازىلعانىن بىلەمىز»، - دەدى مينيستر.
سونىمەن قاتار، ەرۇلان جاماۋبايەۆ ءوزىنىڭ دەكلاراتسياسىن جاريالاۋعا قاتىستى ساۋالعا جاۋاپ بەرىپ، ونى كادر قىزمەتىنە ۇسىنعانىن جانە ولار جاريالاۋى تيىستىگىن ايتتى.
