ۇرمەلى ماتراسپەن اشىق تەڭىزگە شىعىپ كەتكەن قىزداردىڭ اعاسى جاۋاپقا تارتىلدى
«ماڭعىستاۋ وبلىسىندا بيىل 24- شىلدەدە بولعان رەزونانستى جاعداي تۋرالى ەسكە سالعىم كەلەدى. سۋداعى قاۋىپسىزدىك ەرەجەلەرىن ساقتاماۋ سالدارىنان، جەل سوعاتىنى جانە شومىلۋعا تىيىم سالۋ تۋرالى س م س- حابارلاما جىبەرىلسە دە، ءۇش قىز ۇرلەمەلى ماتراسپەن جاعادان 22 شاقىرىم اشىق تەڭىزگە شىعىپ كەتكەن. جەرگىلىكتى ورگانداردىڭ بىرلەسكەن جۇمىستارى ناتيجەسىندە قىزدار قۇتقارىلدى»، - دەدى توتەنشە جاعدايلار مينيسترلىگى ازاماتتىق قورعانىس جانە اسكەري بولىمدەر كوميتەتى ءتوراعاسىنىڭ ورىنباسارى، گەنەرال-مايور ۇلاربەك ابىكەيەۆ و ك ق- دا وتكەن بريفينگىدە.
سونداي-اق، بولعان جايتقا قاتىستى زاڭ اياسىندا شارا قابىلدانعانى ايتىلدى.
«قىزداردىڭ اعاسى اكىمشىلىك قۇقىقبۇزۋشىلىق كودەكسىنىڭ 412-بابىنا سايكەس بالالاردى قاراۋسىز قالدىرعانى ءۇشىن اكىمشىلىك جاۋاپكەرشىلىككە تارتىلدى»، - دەيدى ت ج م ازاماتتىق قورعانىس كوميتەتىنىڭ اعا وفيتسەرى ەراسىل سايپاش.
ەسكە سالساق، 24- شىلدەدە كاسپي تەڭىزىندە ۇرمەلى ماتراسقا مىنگەن ءۇش قىز ىزدەستىرىلىپ جاتقانىن حابارلاعان ەدىك. قۇتقارۋ جۇمىستارىنا تىكۇشاق تارتىلدى.
تولقىن الىپ كەتكەن ءۇش قىز ءبىر تۇننەن كەيىن تابىلدى.
