بيىل استاناداعى ل ر ت-نى سالۋعا قانشا ميلليارد تەڭگە جۇمسالعانى بەلگىلى بولدى
«اعىمداعى جىلى جوبا قۇرىلىسىنا 52,4 ميلليارد تەڭگە ءبولىندى. قازىرگى ۋاقىتتا بولىنگەن قاراجاتتىڭ 24,8 ميلليارد تەڭگەسى يگەرىلدى»، - دەلىنگەن قازاقپارات ءتىلشىنىڭ ساۋالىنا بەرىلگەن ەلوردا اكىمدىگىنىڭ جاۋابىندا.
قۇزىرلى ورگان اتاپ وتكەندەي، كەلىسىمشارت بويىنشا جوبانىڭ جالپى قۇنى 1 ميلليارد 888 ميلليون دوللار.
سوڭعى 12 جىل ىشىندە بولىنگەن قاراجاتتىڭ قايدا جۇمسالعانى تۋرالى سۇراققا اكىمدىك ونىڭ بيۋدجەتتىك ينۆەستيتسيالاردىڭ قارجىلىق- ەكونوميكالىق نەگىزدەمەسىنە سايكەس، LRT جوباسىن ىسكە اسىرۋ جونىندەگى ءىس-شارالارعا باعىتتالعانىن حابارلادى.
بۇعان دەيىن LRT پويىزدارىنىڭ ايالداماسى قاي جەرلەردە ورنالاساتىنىن جازىپ ەدىك.
سونداي-اق، LRT پويىزدارىن قانداي زاۋىت قۇراستىراتىنى بەلگىلى بولدى.
