بۋراباي تاۋىندا اياعىن شىعارىپ العان تۋريست قۇتقارىلدى

اقمولا وبلىستىق ت ج د باسپا ءسوز قىزمەتىنىڭ مالىمەتىنشە، جازاتايىم وقيعا كوكشە تاۋىندا بولعان.

«تۇركىستان وبلىسىنان كەلگەن 50 جاستاعى ايەل «كوكشە» تاۋىنان ءتۇسىپ كەلە جاتقاندا اياعى تايىپ، بۋىنىن شىعارىپ الدى. شاقىرۋ ورىنا دەرەۋ بۋراباي كەنتىندەگى 7№ قۇتقارۋ جاساعىنىڭ قۇتقارۋشىلارى باردى. قۇتقارۋشىلار زارداپ شەگۋشىنى 600 مەتر بيىكتىكتەن ءتۇسىرىپ، جەدەل جاردەم بريگاداسىنا تاپسىردى»، - دەدى ۆەدومستۆودان.

وسى رەتتە، ءوڭىردىڭ ت ج د قىزمەتكەرلەرى دەمالۋشىلاردى تاۋعا، تابيعات اياسىنا شىققاندا قاۋىپسىزدىك ەرەجەلەرىن ساقتاۋعا شاقىرادى.

ايتا كەتسەك، بۇدان بۇرىن بۋرابايدا داۋىل تۇرىپ، سۋدان ەكى شەتەلدىك قۇتقارىلعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى