بريتانيا ميگرانتتاردى ەل ىشىنە كىرگىزبەۋدىڭ امالىن تاپتى
پرەمەر- مينيستر ريشي سۋناك زاڭسىز ميگراتسياعا قارسى كۇرەستى ءوز ساياساتىنىڭ باستى ماقساتتارىنىڭ ءبىرى رەتىندە جاريالاعان. ۇكىمەت لا- مانش بۇعازى ارقىلى قايىقتارمەن كەلەتىن بوسقىنداردى ەلگە كىرگىزبەۋدى كوزدەپ وتىر.
روبەرت دجەنريك، ۇلى بريتانيانىڭ يمميگراتسيا ءمينيسترى:
- بۇل قوناقۇيلەرگە ورنالاستىرۋعا قاراعاندا ۇنەمدى. ميگرانتتاردى قىمبات مەيمانحانالارعا جايعاستىرۋ دۇرىس ەمەس دەپ سانايمىز. بۇل سالىق تولەۋشىلەرگە قىمباتقا ءتۇسىپ وتىر. سونداي- اق تۋريستەرگە ارنالعان نىسانداردى تارتىپ الۋ، كاسىپتى دامىتۋعا كەدەرگى كەلتىرەدى. العاشقى بارجا مەن بوس تۇرعان اسكەري نىسانداردى دايىندادىق. الداعى ايلاردا ولاردىڭ سانى ارتادى.
ال مەكسيكادا پوليتسيا جول بويىندا تۇرعان جۇك كولىگىنەن 148 ميگرانتتى انىقتادى. ولاردىڭ كوبىسى ورتالىق امەريكاداعى مەملەكەتتەردىڭ ازاماتتارى. اراسىندا تۋىستارىنسىز ءوز بەتىمەن جۇرگەن 23 بالا مەن جاسوسپىرىم بار. سالۆادور، گوندۋراس، نيكاراگۋا جانە وڭىردەگى وزگە ەلدەردىڭ مىڭداعان تۇرعىنى مەكسيكا ارقىلى ا ق ش- قا جەتۋگە تىرىسادى. ميگرانتتاردى زاڭسىز تاسىمالداۋ قىلمىستىق توپتار ءۇشىن كوپ پايدا اكەلەتىن كاسىپكە اينالعان. تەك وتكەن اپتادا ۆەراكرۋس دەپ اتالاتىن ءبىر قالادا 600-دەن اسا بوسقىن قۇتقارىلدى.
