جاپونيا قوناقۇيىندەگى باسسىز دەنە: ەكى كۇدىكتى قاماۋعا الىندى

پوليتسيا 2 -شىلدە كۇنى قوناقۇي نومەرىنىڭ ۆاننا بولمەسىندە جالاڭاش ءارى باسى جوق كۇيدە تابىلعان جابىرلەنۋشى - 62 جاستاعى حيتوشي ۋرامەن ايەل اراسىنداعى قارىم- قاتىناستى تەكسەرىپ جاتىر.

پوليتسيا 59 جاستاعى جەرگىلىكتى دارىگەر وساما تامۋرا مەن ونىڭ 29 جاستاعى قىزى رۋنانى مارقۇممەن نە بايلانىستىرعانىن دا تەكسەرۋدە.

پوليتسيا رۋنا مەن ۋرانىڭ ءبىر- ءبىرىن تانيتىنىن انىقتادى، ءبىراق ەكى كۇدىكتىنىڭ كىناسىن مويىنداعانىن ايتۋدان باس تارتتى.

ءمايىتتى تەكسەرۋ بارىسىندا ادام ولىمىنە پىشاق جاراقاتىنان قان كەتىپ، گەمورراگيالىق شوك سەبەپ بولعانى انىقتالدى. ۋرانىڭ باسىن پىشاقپەن كەسىپ، وقيعا ورنىنان الىپ كەتكەن.

ۋرا جانە تاعى ءبىر ادام 1 -شىلدە كۇنى جەرگىلىكتى ۋاقىت بويىنشا 22:50 شاماسىندا ساپپوروداعى قوناقۇيگە تىركەلگەن. كەلەسى كۇنى تۇنگى ساعات 2 شاماسىندا بولمەدەن ءبىر ادام جالعىز شىققان.

قوناقۇي بولمەسىنە كىرگەن كەزدە ۋرانىڭ قاسىندا بولعان ادام قىسقا بويلى، كەڭ جيەكتى قالپاق پەن اشىق ءتۇستى ايەل كيىمىندە بولعان. ال تۇنگى ساعات 2-دە شىققان ادام قارا كيىم كيگەن، دەپ حابارلادى تەرگەۋ ورگاندارى.

ۋرانىڭ ءمايىتى كەيىنىرەك، 2 -شىلدە كۇنى قوناقۇي قىزمەتكەرى تاۋىپ الدى. ول ۋرانىڭ كۇنى بويى بولمەسىنەن شىقپاعانىنان كۇدىكتەنىپ، بولمەنى تەكسەرۋگە كەلگەن.

وقيعا سۋسۋكينو قالاسىنىڭ ماڭىندا بولدى، وندا از ۋاقىت تۇرۋعا ارنالعان «ماحاببات قوناقۇيلەرى» كوپ.

ايتا كەتەيىك، بۇعان دەيىن جاپونيادا قوناقۇيدەن باسى جوق ءمايىت تابىلعانىن جازعان بولاتىن.

اۆتور:

سماعۇلوۆا ەركەجان

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى