پاۆلودار وبلىسىندا ءىرى قارا مال جاپپاي قىرىلىپ قالدى
باشماچنىي اۋىلىنداعى شارۋا قوجالىقتارىنىڭ بىرىندە 37 سيىر ۋلانىپ قالدى. قازىر ءمان-جايدى ارنايى كوميسسيا انىقتاپ جاتىر. مالدىڭ ناقتى نەدەن قىرىلعانى زەرتحانالىق تەكسەرىستەن كەيىن بەلگىلى بولادى.
ءتورت تۇلىكتەن سىناما الىنىپ، ماماندارعا تاپسىرىلعان. سونىمەن قاتار جايىلىمدىق جەردەگى ءشوپ، توپىراق پەن سۋدىڭ سىنامالارى الىندى. ازىرشە ءىرى قارا «ورىستەن ۋلانعان» دەگەن بولجام بار. سەبەبى جاقىن ماڭدا زيانكەس جاندىكتەرگە قارسى حيميالىق زاتتارمەن وڭدەلگەن كارتوپ القاپتارى ورنالاسقان. ەگەر مالدىڭ قاۋىپتى دەرتتەن قىرىلعانى دالەلدەنسە، يەسىنە زاڭ بويىنشا وتەماقى تولەنۋگە ءتيىس.
«مال قىرىلعان جايىلىم ماڭىندا كارتوپ القاپتارى بار. بۇل جەردەگى كوكونىستەر پەستيتسيدتەرمەن وڭدەلگەن. بۇل زات مالعا اسا زيان. ەكىنشىدەن، سيىرلار «فيتوۋلاردان» ۋلانۋى مۇمكىن. جاڭبىردان سوڭ ۋلى وسىمدىكتەر شىعادى. وسىنداي 2 بولجامىمىز بار»، - دەدى ۆەتەريناريا باسقارماسى باسشىسىنىڭ ورىنباسارى اسىلتاس تىلەۋبايەۆ.
