رەسەي بيدايى قازاقستاندىق ءونىم رەتىندە ەكسپورتتالىپ كەلگەن
«ق م ا پاۆلودار وبلىسى بويىنشا دەپارتامەنتى رەسەي بيدايىن قازاقستاندىق ءونىم رەتىندە ەكسپورتتاۋ ءۇشىن جالعان كەلىسىمشارتتار بويىنشا زاڭسىز اكەلۋ سحەماسىن انىقتادى.
انىقتالعان تۇلعا 2021-2022 -جىلدار ارالىعىندا 26 مىڭ توننا رەسەيلىك بيدايدى ورتالىق ازيا ەلدەرىنە (اۋعانستان، تاجىكستان، وزبەكستان) قازاقستاندىق ءونىم رەتىندە جازىلعان جالعان شوت- فاكتۋرالار بويىنشا 1 ميلليارد تەڭگەدەن استام سوماعا ەكسپورتتاعان.
وسىلايشا، جالپى سوماسى 460 ميلليون تەڭگەنى قۇرايتىن حالىقارالىق ترانزيتتىك تاريف بويىنشا تاسىمالداۋ تولەمدەرىن تولەۋدەن جالتارعان.
سوتقا دەيىنگى تەرگەۋ اياقتالدى. ق ر ق پ ك 201-بابىنىڭ تالاپتارىنا سايكەس تەرگەۋ مۇددەسىندەگى وزگە دە مالىمەتتەر جاريا ەتىلۋگە جاتپايدى»، - دەلىنگەن حابارلامادا.
ءمالىم ەتىلگەندەي، اۋىل شارۋاشىلىعى تاۋارىن ادال وندىرۋشىلەردىڭ مۇددەسىن قورعاۋ ماقساتىندا بيداي وتكىزۋگە بايلانىستى جالعان شوت- فاكتۋرالاردى زاڭسىز بەرۋ فاكتىلەرىنىڭ جولىن كەسۋ جۇمىستارى جۇيەلى جۇرگىزىلىپ جاتىر. تەك سوڭعى ءبىر جارىم جىلدا پاۆلودار وبلىسىندا 5,4 ميلليارد تەڭگەدەن استام سوماعا جالعان شوت- فاكتۋرالاردى بەرگەنى ءۇشىن 5 تۇلعا قىلمىستىق جاۋاپكەرشىلىككە تارتىلعان.
