اقمولا وبلىسىندا جايىلىمدىق جەرلەردىڭ تاپشىلىعى قالاي شەشىلەدى

ۆەدومستۆونىڭ مالىمەتىنشە، بيىل وڭىردە 400 مىڭ گەكتار پايدالانىلماي جاتقان اۋىل شارۋاشىلىعى جەرىن مەملەكەتكە قايتارۋ جانە اينالىمعا ەنگىزۋ جوسپارلانعان. قازىر كەزدە سونىڭ 98,6 مىڭ گەكتارى قايتارىلسا، 191,1 مىڭ گەكتارى اۋىل شارۋاشىلىعى اينالىمىنا ەنگىزىلدى.

«اقمولا وبلىسىنىڭ 420 ەلدى مەكەنىندەگى 437,8 مىڭ گەكتار القاپتا جەكە اۋلاداعى مالدى جاياتىن جايىلىمدىق جەرلەردىڭ تاپشىلىعى بايقالادى. بۇگىنگى كۇنى اۋىل شارۋاسى ءۇشىن وزەكتى ماسەلە بولىپ وتىرعان بۇل ماسەلەنى قۇزىرلى ورگاندار بىرتىندەپ شەشىپ جاتىر. بۇل ماسەلەنى شەشۋ ءۇشىن اۋداندىق اتقارۋشى ورگاندار جىل باسىنان بەرى 45,8 مىڭ گەكتار الاڭدا ەلدى مەكەندەردىڭ شەكارالارىن كەڭەيتۋ (جوسپار - 76,3 مىڭ گەكتار)، 46 مىڭ گەكتاردا اۋىلدىق وكرۋگتەرگە بەكىتۋ (جوسپار - 65,9 مىڭ گەكتار)، 0,4 مىڭ گەكتاردا مەملەكەت مۇقتاجى ءۇشىن جەردى الىپ قويۋ (جوسپار - 5,5 مىڭ گەكتار)، 145,6 مىڭ گەكتاردا جايىلىمدىق جەردى جايىلىمداردى باسقارۋ جونىندەگى جوسپارلارعا قوسۋ (جوسپار - 217,8 مىڭ گەكتار) بويىنشا جۇمىستار جۇرگىزدى»، - دەدى باسقارمانىڭ باسپا ءسوز قىزمەتىنەن.

ۆەدومستۆودان اتاپ وتكەندەي، بۇدان باسقا، الەۋمەتتىك شيەلەنىستى بولدىرماۋ ماقساتىندا اۋىل شارۋاشىلىعى تاۋارىن وندىرۋشىلەرمەن 287,1 مىڭ گەكتار جايىلىمدىق جەردى بىرلەسىپ پايدالانۋ تۋرالى مەموراندۋمدار جاسالدى.

ايتا كەتسەك، بۇدان بۇرىن اقمولا وبلىسىندا ءسۇت ءوندىرىسىن 32,3 مىڭ تونناعا ۇلعايتۋ جوسپارلانعانىن جازعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى