اۋىل تۇرعىندارىنىڭ سىنىنان كەيىن جول ساپاسىنا تەكسەرىس باستالدى
بۇعان دەيىن تۇركىستان وبلىسى بالتاكول اۋىلىنىڭ تۇرعىندارى الەۋمەتتىك جەلىدە جاڭادان سالىنىپ جاتقان جولدىڭ ساپاسىنا سىن ايتىپ، ماسەلە ەتىپ كوتەرگەن بولاتىن.
جەلىدەگى جازبادان سوڭ مەردىگەر جول قۇرىلىسىن توقتاتۋعا ءماجبۇر بولدى. نىسانعا ۇلتتىق ساپا ورتالىعى ارنايى كەلىپ، تەكسەرۋ جۇرگىزدى. ناتيجەسىندە توسەلگەن تاستىڭ قالىڭدىعى 17 س م بولىپ شىقتى، سمەتالىق قۇجاتتا ول - 6 س م. ياعني 3 ەسەگە جۋىق قالىڭ توسەلگەن. جىلجىمالى زەرتحانا تاس توسەمنىڭ تالاپقا ساي ەكەنىن انىقتادى. تەك، تىعىزدىعىندا كەم- كەتىك بارى بەلگىلى بولدى.
«مەردىگەر اسفالت جولدارىن توسەۋدەن بۇرىن تىعىزدىعىن نورماعا جەتكىزەدى. ءبىزدىڭ تەكسەرىس انىقتاعانداي، ول 90 پايىزعا جەتىپ تۇر. ونى 100 پايىزعا جەتكىزگەننەن كەيىن اسفالت توسەۋگە رۇقسات ەتىلەتىنىن ەسكەرتتىك. جۇمىس تولىق اياقتالعان سوڭ ماماندار كوشەنى تاعى دا تەكسەرۋدەن وتكىزەتىن بولادى»، - دەدى «جول اكتيۆتەرى ۇلتتىق ساپا ورتالىعىنىڭ» ءبولىم باسشىسى دانيار كامالوۆ.
